Цаг агаар: Энэ 7 хоногт зарим нутгаар дулаарч, нэмэх хэмд хүрнэ


1-р сарын 9
8 цаг 43 минут

Идэр есийн хүйтэн тачигнах ёстой нэгдүгээр сард зарим нутгаар агаарын хэм нэмэх градус руу орох төлөв ажиглагджээ. Энэ долоо хоногийн эхэн үед өдөртөө говийн бүс нутгаар +4 градус дулаан, шөнөдөө -8 градус хүйтэн байна. Харин нийслэл орчмоор өдөртөө -4 градус хүйтэн, шөнөдөө -15 градус хүйтэн байх бол долоо хоногийн дунд үеэс хойш хүйтрэх төлөвтэй байна.

Сүүлийн 30 жилийн дунджаар өвлийн улиралд Улаанбаатар хотын төв хэсгээр арваннэгдүгээр сарын дундаж температур -10.6 градус, Туул голын дагуу -13.3 градус, арванхоёрдугаар сард төв хэсгээр -19 градус, голын дагууд -22.9 градус нэгдүгээр сард хотын төв хэсгээр -21.3 градус байдаг бол Туул голын дагуу -25.3 градус байдаг нь Туул голын дагууд хотын төв хэсгээс дунджаар -3-4 градусаар илүү хүйтэн байдаг байна. Харин энэ жилийн нэгдүгээр сарын  олон жилийн дунджаар дулаан байх төлөв гарчээ. Энэ долоо хоногийн эхэн үед цаг агаар Говийн бүс шөнөдөө -8…-13 градус хүйтэн, өдөртөө -1…+4 градус дулаан байна. Улаанбаатар хотод даваагаас лхагва гаригт -4…-7 градус байх бол шөнөдөө -15…-19 градус дулаан байна. Түүнчлэн пүрэв гаригаас  хойш өдөртөө -13…-19 градус шөнөдөө -17…25 градус хүрч хүйтрэх байх төлөвтэй байна.

НЭГДҮГЭЭР САРЫН 8-12-НЫГ ХҮРТЭЛХ ЦАГ АГААРЫН УРЬДЧИЛСАН ТӨЛӨВ:

-Энэ сарын 8-нд Хангай, Хөвсгөл, Хэнтийн уулархаг нутгаар, 9-нд Монгол-Алтайн уулархаг нутгаар, 10-нд Монгол-Алтай, Хангай, Хөвсгөл, Хэнтийн уулархаг нутгаар цас орно. Энэ сарын 11-нд баруун аймгуудын нутгийн зарим газар, төвийн аймгуудын нутгийн баруун хойд хэсгээр цас орж, цасан шуурга шуурна. Салхи 10-нд Алтайн салбар уулс болон Арц богдын өвөр хоолойгоор, 11-нд баруун аймгуудын ихэнх нутаг болон төвийн аймгуудын нутгийн зарим газраар секундэд 16-18 метр хүрч ширүүснэ.

-Увс нуур болон Дархадын хотгор, Завхан голын эх, Идэр, Тэс голын хөндийгөөр шөнөдөө -30…-35 градус, өдөртөө -20…-25 градус, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Туул, Тэрэлж голын хөндийгөөр шөнөдөө -23…-28 градус, өдөртөө -13…-18 градус, говийн бүс нутгийн өмнөд хэсэг болон цас багатай газраар шөнөдөө -8…-13 градус хүйтэн, өдөртөө -1…+4 градус дулаан, бусад нутгаар шөнөдөө -17…-22 градус, өдөртөө -5…-10 градус хүйтэн байна.

 

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Хятад, Пакистаны харилцааг сэвтүүлэх зорилготой халдлага дахин гарав3 сар 28. 17:52Хятадын “Эм Ди Си Пи” ХХК-д оногдуулсан ялыг хэвээр үлдээв3 сар 28. 17:52Колумб улс Аргентины дипломатчдыг нутаг буцаана3 сар 28. 17:49NHL-ийн орлого нэмэгдсэнээр тоглогчдоос суутгасан мөнгийг буцаан олгоно3 сар 28. 17:48Крымийн хазаарууд гэж байсныг батлах археологийн нотолгоог олжээ3 сар 28. 17:48ХЭҮК-оос өнгөрсөн онд 26 шаардлага, 61 зөвлөмж хүргүүлжээ3 сар 28. 17:47Дотоодын цэрэг өндөр чадвартай хөдөлгөөнт хүчинтэй болно3 сар 28. 17:46Дүүргийн нэгдсэн эмнэлэг, өрхийн эрүүл мэндийн төвүүдэд тулгамдаж буй асуудлуудыг хэлэлцэв3 сар 28. 17:45ЦЕГ: Баталгаагүй цахим хаягаас хандив тусламж хүсэхэд болгоомжтой байж, залилах гэмт хэргээс сэрэмжилнэ үү3 сар 27. 16:54Байгаль, цаг уурын өөрчлөлтийн сөрөг нөлөөг бууруулах тухай хуулийн төслийг УИХ-д өргөн барина3 сар 27. 16:52Эртний олдворуудаас микропластик олдов3 сар 27. 16:51Үндэсний баялгийн сангийн тухай хуулийн төслийг нэн яаралтай горимоор өргөн мэдүүлнэ3 сар 27. 16:51
© 2024 он. Зохиогчийн эрх хуулиар хамгаалагдсан.