“Алтан үзэг” улсын наадмын шилдгүүд шалгарлаа


12-р сарын 5
16 цаг 23 минут

ХИС-ийн Сэтгүүл зүй, медиа технологийн тэнхимээс НЗДТГ, Нийслэлийн Сургалт, судалгаа, олон нийттэй харилцах газар, МУИС болон МУБИС-ийн Сэтгүүл зүйн тэнхимтэй хамтран зохион байгуулдаг “Алтан үзэг” улсын наадмын шилдгүүд тодорлоо. Сэтгүүл зүйн чиглэлээр суралцдаг оюутнуудыг дэмжих, тэдний авьяас чадварыг нээн илрүүлж, онолын мэдлэгийг практиктай хоcлуулах, дуу хоолойг нь олон нийтэд хүргэх зорилгоор зохион байгуулдаг тус наадам нь уламжлал ёсоор нийтлэл, телевизийн нэвтрүүлэг, радио нэвтрүүлэг, нийгмийн реклам, мультимедиа нийтлэл гэсэн таван төрлөөр бүтээл хүлээн авсан юм.

НЗДТГ-аас нийслэлийн иргэдийг соёлжуулах, хууль эрх зүйн боловсролыг нэмэгдүүлэх чиглэлээр жил бүр тус наадмыг дэмжин оролцдог бөгөөд энэ жил зам тээврийн осолд өртөж буй хүүхдүүдэд чиглэсэн “Шар дарцаг” аяны хүрээнд оюутнуудаас бүтээл хүлээн авлаа. Ийнхүү шилдгээр шалгарсан гурван бүтээлийн эздэд Нийслэлийн Засаг даргын нэрэмжит шагналыг гардуулсан юм.

Монгол Улсын хэмжээнд их, дээд сургууль, коллежид нийт 149.0 мянган оюутан суралцаж буйн 96 хувь нь нийслэл Улаанбаатар хотод байна гэсэн судалгаа бий. Иймд нийслэлийн удирдлагууд оюутан залуусыг, ялангуяа “Дөрөв дэх засаглал” болох сэтгүүл зүйн чиглэлээр суралцдаг, ирээдүйд энэ салбарт ажиллах мэргэжилтнүүдийг дэмжиж ажиллана гэдгийг албаныхан онцолж байлаа.

ХИС-ийн Сэтгүүл зүй, медиа технологийн тэнхимийн эрхлэгч, Доктор, профессор Д.Дагиймаа “Алтан үзэг наадам бол сэтгүүл зүйн чиглэлээр суралцдаг оюутнуудын хувьд хамгийн чухал уралдаан. Хэдий уг наадмыг ХИС-ийн Сэтгүүл зүй, медиа технологийн тэнхимээс зохион байгуулж байгаа ч хамтрагч байгууллагагүйгээр энэ наадмыг төсөөлшгүй. Уг наадмын хамгийн гол дэмжигч байгууллага бол НЗДТГ, Нийслэлийн Сургалт, судалгаа, олон нийттэй харилцах газар, МУИС, МУБИС юм. Мөн энэ жил Монголын Сэтгүүлчдийн нэгдсэн эвлэл бидэнтэй хамтран ажиллалаа. Өнөө үед сэтгүүл зүй сошиал медиатай өрсөлдөж байгаа тул хүнд үе дээрээ явж байгаа гэж харж байгаа. Ийм үед бид мэргэжлийн байдлаараа ялгарахын тулд баримтаа сайн нягтлан, олон сайн эх сурвалж ашиглаж, хөдөлмөр зарсан бүтээл туурвих хэрэгтэй гэж боддог” хэмээн сэтгэгдлээ хуваалцсан юм.

12 дахь удаагийн “Алтан үзэг” улсын наадамд долоон их, дээд сургуулийн 400 гаруй оюутан 208 бүтээл илгээжээ. Ийнхүү төрөл тус бүрд шилдэг гурван байрыг шалгаруулж, Гран-При шагналт нэг бүтээлийг тодруулсан юм. Мөн хамтрагч байгууллагуудаас шилдэг бүтээлүүдийг шалгаруулан нэрэмжит шагналаа гардуулж байв.

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.



Шинэ мэдээ

Хятад, Пакистаны харилцааг сэвтүүлэх зорилготой халдлага дахин гарав3 сар 28. 17:52Хятадын “Эм Ди Си Пи” ХХК-д оногдуулсан ялыг хэвээр үлдээв3 сар 28. 17:52Колумб улс Аргентины дипломатчдыг нутаг буцаана3 сар 28. 17:49NHL-ийн орлого нэмэгдсэнээр тоглогчдоос суутгасан мөнгийг буцаан олгоно3 сар 28. 17:48Крымийн хазаарууд гэж байсныг батлах археологийн нотолгоог олжээ3 сар 28. 17:48ХЭҮК-оос өнгөрсөн онд 26 шаардлага, 61 зөвлөмж хүргүүлжээ3 сар 28. 17:47Дотоодын цэрэг өндөр чадвартай хөдөлгөөнт хүчинтэй болно3 сар 28. 17:46Дүүргийн нэгдсэн эмнэлэг, өрхийн эрүүл мэндийн төвүүдэд тулгамдаж буй асуудлуудыг хэлэлцэв3 сар 28. 17:45ЦЕГ: Баталгаагүй цахим хаягаас хандив тусламж хүсэхэд болгоомжтой байж, залилах гэмт хэргээс сэрэмжилнэ үү3 сар 27. 16:54Байгаль, цаг уурын өөрчлөлтийн сөрөг нөлөөг бууруулах тухай хуулийн төслийг УИХ-д өргөн барина3 сар 27. 16:52Эртний олдворуудаас микропластик олдов3 сар 27. 16:51Үндэсний баялгийн сангийн тухай хуулийн төслийг нэн яаралтай горимоор өргөн мэдүүлнэ3 сар 27. 16:51
© 2024 он. Зохиогчийн эрх хуулиар хамгаалагдсан.