Манай улс дөрвөн жилийн хугацаанд малын вакцинд 145 тэрбум төгрөгийг зориулжээ.
Ирэх онд малын вакцинд 41 тэрбум төгрөгийг зарцуулна хэмээн салбарын сайд мэдэгдлээ.
Түүнчлэн малын вакцины хүрэлцээ хангамж, санхүүжилтэд ямар ч асуудал гарахгүй гэв.
Өнөөдрийн байдлаар малын шүлхий өвчний 6.5 сая тун вакцины нөөцтэй байгаа аж.
Улс орнуудад мах экспортлоход 100%-ийн баталгаатай эрүүл махыг стандарт болгодог. БНХАУ руу дулааны аргаар боловсруулсан махыг экспортолдог.
Увс, Ховд, Баян-Өлгий, Хөвсгөл аймгийн зургаан сум, зүүн талдаа Халхгол сумыг малын эрүүл бүс болгоно гэдгийг сайд Х.Болорчулуун мэдээлэв. Ингэснээр олон улсад баталгаатай махыг үнэ цэнтэй гаргах боломж бүрдэх юм байна.
Сэтгэгдэл бичих