Хотын дарга Хигашикава хотын дэд дарга болон гэрэл зурагчидтай уулзлаа


10-р сарын 6
17 цаг 40 минут

Нийслэлийн Засаг дарга бөгөөд Улаанбаатар хотын Захирагч Д.Сумъяабазар өнөөдөр Хигашикава хотын дэд дарга Ичикава Наоки, тус хотын Фото фестивалийн зохион байгуулагч Яачи Юүки, Япон гэрэл зургийн холбооны ерөнхийлөгч Ёошино Хироаки, Монголын гэрэл зургийн холбооны төлөөллүүд болон Хигашикава хотын ахлах сургуулийн сурагчдыг хүлээн авч уулзлаа.

Уулзалтын үеэр талууд маргааш нээлтээ хийх монгол, япон сурагчдын хамтарсан “Oneness” гэрэл зургийн үзэсгэлэн болон гэрэл зургийн салбар, энэ талын хамтын ажиллагааны талаар санал солилцсон юм.

Энэ үеэр Нийслэлийн Засаг дарга “Хоёр хотын хамтын ажиллагааг шинэ түвшинд гаргаж, эрчимжүүлэхэд анхаарна. Гэрэл зургийн салбарт хийж, хэрэгжүүлж байгаа хамтын ажиллагаа залгамж чанараа хадгалж буйд баяртай байна. Нийслэлийн зүгээс бүх талаар дэмжиж ажиллана” хэмээлээ.

Хигашикава хотын дэд дарга Ичикава Наоки “Хигашикава хот гэрэл зургаар дамжуулж бусад хоттой хамтын ажиллагаагаа өргөжүүлэхээр олон төрлийн арга хэмжээ зохион байгуулдаг. Энэ удаагийн айлчлалаар хүүхэд залууст чиглэсэн гэрэл зургийн хамтын ажиллагааг өргөжүүлэх хүсэлтэй байна. Монгол, Японы хооронд дипломат харилцаа тогтоосны 50 жилийн ой өргөн дэлгэр болж буйд баяртай байна” гэлээ.

Хигашикава нь гэрэл зургийн соёлоор дамжуулж “Хот ба хөдөө”-гийн соёлын уялдаа холбоог эрхэмлэн хадгалсан, олон улсад нээлттэй, залууст ээлтэй хот бүтээх зорилгын дор хөгжлийн бодлогоо “Гэрэл зургийн хот” хэмээн тодорхойлжээ. Мөн гэрэл зургийн олон улсын фестиваль, арга хэмжээг өргөн хүрээнд тогтмол зохион байгуулдаг.

Энэ хүрээнд Монгол Улсын Соёлын Яам, НЗДТГ-ын дэмжлэгтэйгээр хоёр улсын сурагчдын хамтарсан “Oneness” гэрэл зургийн үзэсгэлэнг толилуулж, “Гэрэлт Ертөнц-0.5 секундийн зун” кино үзвэрийн нээлт болон бусад соёлын арга хэмжээг зохион байгуулах гэж байна. Тус үзэсгэлэн маргааш 11:00 цагаас Монголын Уран зургийн галерейд нээлтээ хийж, энэ сарын 14-н хүртэл дэлгэгдэх юм.

Oneness гэрэл зургийн үзэсгэлэнд Япон Улсаас

  • Хоккайдо мужийн Хигашикава хотын дунд сургууль
  • Мияаги мужийн Широиши техникийн ахлах сургууль

Монгол Улсаас

  • Нийслэлийн Сүхбаатар дүүргийн Өсвөрийн зохион бүтээгчдийн лаборатори ахлах сургууль
  • Шинэ эхлэл сургууль
  • Олонлог академи сургууль
  • Нийслэлийн ерөнхий боловсролын 5-р сургууль
  • Монгол-Оросын хамтарсан сургууль
  • Дархан-Уул аймгийн Оюуны ирээдүй цогцолбор сургууль
  • Баян-Өлгий аймгийн ерөнхий боловсролын Дарын цогцолбор сургуулийн сурагчид бүтээлээрээ оролцох юм.

Хигашикава хотын тухайд Олон улсын хүүхдийн “Хигашикава” фото зургийн фестиваль, уралдааныг жил бүр зохион байгуулдаг бөгөөд сүүлийн гурван жилд монгол хүүхдүүд амжилт гаргаж, тэргүүн байруудыг хүртээд байгаа юм.

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.



Шинэ мэдээ

АРХАНГАЙ: Сүү, сүүн бүтээгдэхүүн, жимс, жимсгэний хэрэглээ маш хангалтгүй гарчээ2 цаг 8 минутын өмнөГ.Отгонтамир: Галт тэрэгтэй мөргөлдсөн автомашин шатахуун ачаагүй нь тогтоогдсон2 цаг 14 минутын өмнөИБУИНХУ-аас англи хэлний хөтөлбөрт зориулж 10 сая фунтын дэмжлэг үзүүлэхээ илэрхийлэв2 цаг 16 минутын өмнө"Сонгууль хаяанд ирлээ. Сонгогчдын санал өгөх хуудас ойлгомжтой байх шаардлагыг СЕХ-нд хүргүүлж байна"2 цаг 17 минутын өмнөДайныг эсэргүүцсэн хэргээр хүүхдэд анх удаа ял оноов2 цаг 19 минутын өмнөСоёлын бүтээлч үйлдвэрлэлийг дэмжих хуулийн төслийн анхны хэлэлцүүлэг болж байна2 цаг 22 минутын өмнө"Монголд коммунист дарангуйлал амь бөхтэй байна"2 цаг 23 минутын өмнө"Монгол Улс нүүрсхүчлийн хийн ялгаруулалт, агаарын бохирдлоо бууруулахад Их Британийн компаниуд хөрөнгө оруулахад бэлэн"2 цаг 23 минутын өмнөС.Одонтуяа: Хүмүүс өдөр бүр угаартаж амиа алдаж байхад ХЭҮК таг дуугүй сууж байна2 цаг 24 минутын өмнөДэлхийн оюуны өмчийн өдөр тохиож байна2 цаг 27 минутын өмнөEMUI 14 үйлдлийн системтэй Huawei nova 12 Series худалдаанд гарлаа4 сар 25. 14:03Бэлэн гоймон импортлогч болон худалдаалдаг газруудад шалгалт хийж, зарим бүтээгдэхүүнийг шинжилгээнд өгчээ4 сар 25. 14:02
© 2024 он. Зохиогчийн эрх хуулиар хамгаалагдсан.