Л.Оюун-Эрдэнэ: Жендэрийн тэгш байдлыг дэмждэг шинэ хандлагыг нийгэмд бүрдүүлэх нь чухал


9-р сарын 16
8 цаг 18 минут

Жендэрийн эрх тэгш байдлыг хангах, хэрэгжүүлэх нэгдмэл орчинг бүрдүүлэх  зорилготой “Оролцъё, төлөөлье” сэдэвт хэлэлцүүлэгт өнөөдөр Ерөнхий сайд Л.Оюун-Эрдэнэ оролцож “Шинэ сэргэлтийн бодлого”-д тусгагдсан жендэрийн эрх тэгш байдлыг хэрхэн хангах талаарх бодлого болон эмэгтэйчүүдийн улс төрийн оролцооны өнөөгийн байдлыг танилцууллаа.

Тэрбээр, “Шинэ сэргэлтийн бодлого” бол нийгэмд шинэ хандлага, шинэ соёлыг дэлгэрүүлэхэд давхар чиглэгдэж байгаа. Эрчим хүч, боомт, төрийн бүтээмжийн сэргэлтийг хийснээр том агуулгаараа иргэдийн амьдралын чанарыг дээшлүүлнэ. Суурь асуудлуудыг шийдэхгүйгээр бидний дэвшүүлсэн зорилт зөвхөн тоо болж үлдэнэ. Эдгээрийг хэрэгжүүлж байж дундаж давхаргыг нэмэгдүүлнэ. Хот, хөдөөгийн хөгжлийн ялгаатай байдлыг бууруулж, иргэдийн орон нутаг руу зорих нөхцөлийг бүрдүүлж чадна. Түгжрэл, эрчим хүчний хүндрэл гээд асуудал бүрийг уялдаатайгаар шийдвэрлэх учиртай” хэмээн хэлэлцүүлгийг нээж хэлсэн үгэндээ онцлов. Мөн “Миний бие Ерөнхий сайд, Жендэрийн үндэсний хороог ахалж байгаагийн хувьд жендэрийн тэгш байдлыг агуулгын хувьд, суурь асуудлуудыг нь шийдэх чиглэлээр, эмэгтэйчүүдийн улс төрийн оролцоог бүх талаар дэмжиж ажиллана. Үүнийг нэг тод жишээ бол Засгийн газрын танхимдаа эмэгтэй сайд нарын тоог урьд байгаагүйгээр нэмэгдүүлэхийг хичээсэн. Улс төр дэх эмэгтэйчүүдийн манлайллыг дэмжих нь маш чухал. Зөвхөн тооны асуудал биш. Ерөнхий сайдын ажлын албаны даргаар ажиллаж байсан Э.Болормааг Ховд аймгийн Засаг даргаар томилсон явдал ч тохиолдлын хэрэг биш. Энэ нь мэдлэг, боловсролтой залуучууд орон нутагт ажиллаж болдог, эмэгтэй хүн орон нутгийгудирдаж чадна гэдгийг нийгэмд харуулах давхар зорилготой юм” хэмээн тодотголоо.

Түүнчлэн эрчүүдийн асуудалд анхаарах цаг болсонгэдгийг ч хөндсөн юм. Монгол Улсын нийт хүн амын 51 хувийг эмэгтэйчүүд эзэлдэг ч нийт ажиллах хүчнээс гадуурх хүн амын 62 хувийг эмэгтэйчүүд бүрдүүлдэг.Эрчүүдийн дундаж наслалт эмэгтэйчүүдээс 9-10 жилээр богино байна. Мөн их, дээд сургуульд суралцагчдын хүйсийн тэнцвэр алдагдаж, сургууль завсардсан хүүхдүүдийн 72 хувь нь, өрх толгойлсон гэр бүлийн 13 хувь нь эрэгтэйчүүд байгааг дурдав.

Эцэст нь, жендэр гэдэг бол зөвхөн хүйсийн ойлголт, улс төрийн оролцооны төдий асуудал биш.Жендэр бол нийгмийн зөрчлийг багасгахад, тэгш бус байдлыг арилгахад онцгой ач холбогдолтой. Тиймээсжендэрийн тэгш байдлыг дэмждэг шинэ хандлагыг нийгэмд бүрдүүлэх нь чухал. Бүхэлдээ хүйсийн тэгш байдал шийдвэр гаргалтад, нийгмийн болоод хүний хөгжилд чухал гэдгийг ойлгосон, эмэгтэйчүүдийн улс төрийн оролцоог дэмждэг нийгмийг бүтээхийн төлөө бүгд хамтарч ажиллах хэрэгтэй гэлээ.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.



Шинэ мэдээ

“ЭРҮҮЛ МЭНДИЙН ТЕХНОЛОГИ-2022” үзэсгэлэн гурван өдөр үргэлжилнэ10 сар 7. 17:59“Тогтвортой хөгжлийн зорилго-Эх, нярай, нөхөн үржихүйн эрүүл мэнд” сэдэвт V дугаар зөвлөгөөн зохион байгуулагдаж байна10 сар 7. 17:58Ерөнхий сайд Л.Оюун-Эрдэнэ Холбооны Бүгд Найрамдах Герман Улсад албан ёсны айлчлал хийнэ10 сар 7. 17:53Хотын төвлөрлийг бууруулахад чухал нөлөө үзүүлэх “Хайрхан нэгдсэн худалдааны төв”-ийн шав тавилаа10 сар 7. 17:50Намрын мод тарих өдрүүд эхэллээ10 сар 7. 17:49Агаар, орчны бохирдлыг бууруулах ногоон технологийн үзэсгэлэн маргааш дэлгэгдэнэ10 сар 7. 14:43“Хүрээ” амаржих газрын шинэ барилгын ажил эхэллээ10 сар 7. 14:13Гэр бүлээрээ боловсролын салбарт ажиллаж буй есөн өрхөд түрээслээд өмчлөх орон сууц олголоо10 сар 7. 12:18УСУГ Хүний нөөцийн менежментийн 30400 багц стандартыг нэвтрүүлэхээр ажиллаж байна10 сар 7. 12:04“Эрүүл монгол хүн” үндэсний хөдөлгөөн орон нутагт амжилттай хэрэгжиж байна10 сар 7. 11:54Хотын дарга Хигашикава хотын дэд дарга болон гэрэл зурагчидтай уулзлаа10 сар 6. 17:40Үндэсний соёл амралтын хүрээлэнг ногоон байгууламжаар тохижуулна10 сар 6. 17:30
© 2022 он. Зохиогчийн эрх хуулиар хамгаалагдсан.