Монгол Улсын Ерөнхийлөгчийн зөвлөхүүд Монгол дахь Америкийн худалдааны танхимын Удирдах зөвлөлийн төлөөлөгчдийг хүлээн авч уулзлаа


6-р сарын 24
17 цаг 29 минут

Монгол Улсын Ерөнхийлөгчийн Гадаад бодлогын зөвлөх Э.Одбаяр, Эдийн засгийн бодлогын зөвлөх Б.Даваадалай нар Монгол дахь Америкийн худалдааны танхим /АмЧам Монгол/-ын Удирдах зөвлөлийн дарга Жэймс Лиотта тэргүүтэй төлөөлөгчдийг хүлээн авч уулзлаа.

Уулзалтаар Монгол Улс, Америкийн Нэгдсэн Улсын эдийн засгийн хамтын ажиллагааг өргөжүүлэх, худалдаа, хөрөнгө оруулалтыг нэмэгдүүлэх, хөрөнгө оруулалтын болон бизнесийн орчны шинэчлэлийн талаар дэлгэрэнгүй санал солилцлоо.

Монгол Улсын Ерөнхийлөгч дэлхийн улс орнуудтай, ялангуяа гуравдагч хөршүүдтэйгээ харилцаа, хамтын ажиллагааг эдийн засгийн агуулгаар баяжуулан хөгжүүлэх, харилцан ашигтай худалдаа, хөрөнгө оруулалтын бодлогыг боломжит бүх талаар дэмжин ажиллаж байгааг Ерөнхийлөгчийн зөвлөхүүд онцоллоо.

Мөн Монгол Улсын Ерөнхийлөгчийн дэвшүүлсэн “100 жил – 10 зорилт” хөгжлийн санаачилгын хүрээнд уур амьсгалын өөрчлөлтийг сааруулах, ногоон хөгжлийг эрчимжүүлэх, монгол хүний эрүүл мэнд, хүнсний хангамж, аюулгүй байдал зэрэг асуудлаар тодорхой бодлого шийдвэр гарган, үндэсний хэмжээний хөдөлгөөнүүдийг өрнүүлж, уг асуудлуудад онцгойлон анхаарч, УИХ, Засгийн газартай хамтран ажиллаж байгаа талаар мэдээлэл өгөв.

Монгол дахь Америкийн худалдааны танхимын зүгээс Монгол Улсын бизнесийн орчныг сайжруулах, түнш орнуудтай эдийн засгийн хамтын ажиллагааг өргөжүүлэх, худалдаа, хөрөнгө оруулалтыг нэмэгдүүлэх зэрэг чиглэлд санал солилцож, цаашид хамтран ажиллахад бэлэн байгаагаа илэрхийллээ.

Эх сурвалж: Ерөнхийлөгчийн хэвлэлийн алба 

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.



Шинэ мэдээ

Монгол Улс, Орос, Хятадыг холбох төслүүдийн боломжит чиглэлийн талаар ярилцжээ2 цаг 40 минутын өмнөМонгол Улсад ирэх зорчигчдоос “Эрүүл мэндийн мэдүүлэг”-ийг бөглүүлэн авна5 цаг 30 минутын өмнөЦаг агаарын мэдээ5 цаг 32 минутын өмнөСүүлийн 24 цагт 351 хүн халдвар авчээ5 цаг 35 минутын өмнөХуримтлалын нэгдсэн сангийн тогтолцоог бий болгоход зөвлөх үйлчилгээ үзүүлэхээр Сингапурын төлөөлөгчид Монгол Улсад ирлээ5 цаг 40 минутын өмнө“Залуучуудын хөгжлийн сар”-ын хүрээнд соёлын салбарын залуучуудаа дэмжин ажиллаж байна9 цаг 31 минутын өмнөНҮБ-ын ерөнхий нарийн бичгийн дарга Антонио Гутерреш Монгол ахуй соёлоор амьсгалсан нэгэн өдрийг өнгөрүүллээ9 цаг 36 минутын өмнөМ.Гүррагчаа: Хүн өөрөө чин сэтгэлээсээ хүсэж байвал ямар ч ажлыг хийж чадна9 цаг 55 минутын өмнөЗавьт эргүүлийнхэн 51 хүний амь насыг авран хамгааллаа10 цагийн өмнөХан-Уул дүүргийн хог тээврийн үйлчилгээнд парк шинэчлэл хийлээ8 сар 11. 10:30Үер, усны аюулаас сэрэмжлүүлж байна8 сар 10. 18:20Эгийн голын усан цахилгаан станцын төсөлд НҮБ дэмжлэг үзүүлнэ8 сар 10. 17:53
© 2022 он. Зохиогчийн эрх хуулиар хамгаалагдсан.