Нийслэлийн өнгө үзэмжийг сайжруулж, тохижилтын ажлыг эрчимжүүлэхэд хувийн хэвшилтэй хамтарна


6-р сарын 22
11 цаг 00 минут

Нийслэлийн Засаг дарга бөгөөд Улаанбаатар хотын Захирагч Д.Сумъяабазар өнөөдөр “Жэй Си Деко Монголиа” ХХК-ийн гүйцэтгэх захирал Жан Ком Ланфранчиг хүлээн авч уулзлаа.

Уулзалтын үеэр Хотын дарга “Нийслэл Улаанбаатар хотын эрх зүйн байдлын тухай хуулийн шинэчилсэн найруулга энэ оноос хэрэгжиж эхэлсэн бөгөөд томоохон төсөл хөтөлбөрүүдийг санхүүжүүлэх эрхтэй болсон. Мөн нийслэлийн өнгө үзэмжийг сайжруулах, тохижилтын ажлыг эрчимжүүлж, хотын иргэдийн эрүүл, аюулгүй амьдрах орчинг бүрдүүлж, тав тухтай байдлыг хангахад онцгой анхаарч байгаа.  Энэ ажлыг хувийн хэвшилтэй хамтарч хийнэ” хэмээлээ.

“Жэй Си Деко Монголиа” ХХК-ийн гүйцэтгэх захирал Жан Ком Ланфранчи Улаанбаатар хотод гудамжны байгууламж, автобусны буудлын тохижилтоор дамжуулж олон улсад хэрэгжиж буй орчин үеийн шийдлүүдийг нэвтрүүлэх боломжтойг онцолж байв.

Уулзалтын төгсгөлд талууд автобусны буудлын тохижилт, нийслэлд тохирох шийдлүүдийн талаар Улаанбаатар хотын Захирагчийн ажлын алба /УБЗАА/-тай хамтран судлахаар тохирлоо.

“Жэй Си Деко Монголиа” ХХК нь 80 гаруй оронд үйл ажиллагаагаа явуулдаг, автобусны зогсоолын байгууламж, гудамжны мэдээллийн байгууламжийн угсралт, өдөр тутмын арчилгаа цэвэрлэгээ, бүрэн бүтэн байдлыг хариуцаж ажилладаг томоохон сурталчилгааны компани юм. Тус компани нь Улаанбаатар хотын төвийн автобусны 210 буудал, мэдээллийн байгууламжуудын цэвэрлэгээ үйлчилгээг тогтмол хийж, хотын өнгө үзэмж, тохижилтын ажлыг гүйцэтгэж, иргэд, жуулчдын тав тухтай байдлыг хангахад хувь нэмрээ оруулан ажилладаг.

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.



Шинэ мэдээ

Хуситууд Йемений түр нийслэл Аден хот руу давшиж эхэлжээ11 сар 16. 16:28Илон Маск тэргүүтэй 165 мянган хүн Хуангийг албан тушаалд нь буцаан томилохыг шаардав11 сар 16. 16:26Туркийн “Silk and Cashmere” компани Монгол ноолуур худалдан авах сонирхол илэрхийлжээ11 сар 16. 16:26Нүүрс зөөж, гал түлэхгүй амьдрахын тулд эхлээд байшингаа дулаан алдагдалгүй болгох хэрэгтэй11 сар 16. 16:25Улаанбаатар хотын агаарын бохирдлыг 3D орчинд мэдээлж эхэллээ11 сар 16. 16:24Цахилгааны тарифын хөнгөлөлтөд 289 мянга гаруй өрх хамрагдана11 сар 16. 16:23АИ 92 шатахуунаас татгалзаж, Евро 5-ын үнийг бууруулах боломжийг судалж байна11 сар 16. 16:20Ослын улмаас хоёр хөлөө тайруулсан Австралийн парламентын гишүүн эмнэлгээс гарчээ11 сар 16. 16:19ӨМНӨГОВЬ АЙМГИЙН ИРГЭДЭД ЗЭЭЛИЙН БАТЛАН ДААЛТЫН БОЛОМЖИЙГ ТАНИЛЦУУЛЛАА11 сар 16. 16:13ЭМЭГТЭЙ БИЗНЕС ЭРХЛЭГЧДЭД ЗЭЭЛИЙН БАТЛАН ДААЛТЫН ДЭМЖЛЭГИЙГ ТАНИЛЦУУЛЛАА11 сар 16. 16:11Дизель түлшний импорт 14 хувиар өсөж, суудлын автомашины импорт 10 хувиар буурчээ11 сар 13. 16:51Microsoft-ийн Outlook, Teams, Copilot программуудын ажиллагаа дэлхий даяар доголджээ11 сар 13. 16:50
© 2026 он. Зохиогчийн эрх хуулиар хамгаалагдсан.