Улаанбаатар Чунчин хоттой Ах дүү хотын харилцаа тогтоолоо


5-р сарын 12
17 цаг 38 минут

Нийслэлийн Засаг дарга бөгөөд Улаанбаатар хотын Захирагч Д.Сумъяабазар өнөөдөр БНХАУ-ын Чунчин хотын дарга ноён Ху Хэнхуатай цахим уулзалт хийлээ. Энэ үеэр Хотын дарга Д.Сумъяабазар, Чунчин хотын дарга Ху Хэнхуа нар “Улаанбаатар хот болон Чунчин хотын хооронд Ах дүүгийн харилцаа тогтоох тухай харилцан ойлголцлын санамж бичиг”-т гарын үсэг зурав.

Чунчин хот нь БНХАУ-ын мужийн статустай засаг захиргааны нэгж, улсын зэрэглэлийн төвд шууд захирагдах дөрвөн хотын нэг, үндэсний төв, мега хот юм. Ах дүү хотын харилцаа тогтоосноор хотуудын хамтын ажиллагаа олон салбарт өргөжих төдийгүй хоёр улсын хөгжил, найрсаг харилцаанд тодорхой хувь нэмэр оруулах боломж бүрдэх юм. Уулзалтын үеэр Хотын дарга Д.Сумъяабазар Монгол Улс болон БНХАУ-ын найрсаг харилцаа, хамтын ажиллагааны амжилт ололтуудыг онцолж, “Энэхүү санамж бичигт гарын үсэг зурж буй явдал нь манай хоёр хотын харилцаа, хамтын ажиллагааны шинэ хуудсыг нээсэн түүхэн ач холбогдолт арга хэмжээ болно гэдэгт итгэлтэй байна” хэмээлээ.

Чунчин хотын дарга  Ху Хэнхуа хэлэхдээ тус хотын олон улсын тээвэр, ложистикийн давуу талд түшиглэж, гуравдагч зах зээлийн хамтын ажиллагааг хөгжүүлэх, худалдаа, эдийн засаг, хөдөө аж ахуй, био эмийн үйлдвэрлэл, цахим технологи, цахилгаан автомашины үйлдвэрлэл зэрэг салбарт хамтран ажиллах өргөн боломжтойг онцоллоо. Түүнчлэн соёл, урлаг, боловсрол, аялал жуулчлал, шинжлэх ухааны салбарын хамтын ажиллагааг өргөжүүлэх хүрээнд оюутан солилцоог өргөжүүлэх, хамтарсан эрдэм, шинжилгээний хурал, соёл, урлагийн арга хэмжээг хамтран зохион байгуулах боломжтой талаар дурдав.

Санамж бичигт гарын үсэг зурах ёслолын арга хэмжээнд Монгол Улсаас БНХАУ-д суугаа Онц бөгөөд Бүрэн эрхт Элчин сайд Т.Бадрал, БНХАУ-аас Монгол Улсад суугаа Элчин сайдын яамны Хэргийг түр хамаарагч Жан Мүшин, Гадаад харилцааны яамны Хөрш орнуудын газрын дэд захирал Н.Туяацэцэг зэрэг албаны хүмүүс оролцлоо.

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.



Шинэ мэдээ

БШУЯ-ны Төрийн нарийн бичгийн дарга Л.Цэдэвсүрэн Өвөрхангай аймагт ажиллалаа5 сар 27. 12:27“Ногоон барилгын хүрээлэн” /Green building council ngo/ ТББ-ыг шинэчлэн байгууллаа5 сар 27. 12:24Сүхбаатарын талбайд шөнийн парад боллоо5 сар 27. 12:21Улс орны төлөөлөгчийн тэргүүн сайд нартай санал солилцов5 сар 27. 12:16Эмэгтэй энхийг сахиулагчдын чуулга уулзалт эхэллээ5 сар 27. 12:14Шивээхүрэн боомтод ачаа тээврийн терминал энэ оны есдүгээр сард ашиглалтад орно5 сар 27. 12:09Сүхбаатарын талбайд “Европын өдөрлөг” болно5 сар 27. 12:05“Ид шидийн орон”-ы хүүхдүүд хотоор аяллаа5 сар 27. 11:56А.Намуун: Марафоны бүртгэл тавдугаар сарын 27-ны өдрийг дуустал үргэлжилнэ5 сар 26. 10:35Чех улстай хамтран оюутан солилцоог 20 сарын хугацаатайгаар хэрэгжүүлнэ5 сар 25. 18:24“Төрийн албаны үнэт зүйл ба багшийн ёс зүй” хэлэлцүүлэг боллоо5 сар 25. 18:17Монгол-Хятадын агаарын тээврийг ирэх зургадугаар сараас үе шаттай сэргээнэ5 сар 25. 18:05
© 2022 он. Зохиогчийн эрх хуулиар хамгаалагдсан.