Биеийн тамир, спортын улсын хорооны дарга Ц.Шаравжамц спортын салбарт өндөр амжилт үзүүлсэн зарим тамирчдыг шагнаж урамшууллаа. Ёслол Биеийн тамир, спортын улсын хорооны хүндэтгэлийн танхимд болов. Тодруулбал, АНУ-ын Бостон хотод дөрөвдүгээр сарын 18-нд болсон марафон гүйлтийн пара 46.47 км-ын зайд мөнгөн медаль хүртсэн Б.Батзоригийг Биеийн тамир, спортын тэргүүний ажилтан цол тэмдгээр шагналаа. Мөн Германы Берлин хотод болсон марафон гүйлтийн 42 км-ын зайд 3.00:19 цагийн амжилт үзүүлсэн Б.Ванданпүрэвийг Биеийн тамир, спортын улсын хорооны Жуух бичгээр шагнав.