Эрүүл мэндийн яамнаас мэдээлснээр, сүүлийн 24 цагийн хугацаанд улсын хэмжээнд хийсэн шинжилгээгээр Covid-19-ийн 15 шинэ тохиолдол батлагджээ. Үүний найм нь Улаанбаатарт, долоо нь орон нутагт бүртгэгдсэн бол нас баралт бүртгэгдээгүй байна.
Өнөөдрийн байдлаар эмнэлэгт 180 хүн хэвтэн эмчлүүлж байгаа аж. Тэднээс 16 хүний биеийн байдал нэн хүнд бол 45 хүний биеийн байдал хөнгөн байгаа юм байна. Мөн эмнэлэгт хэвтэн эмчлүүлж буй иргэдийн 11 нь хүүхэд, хоёр нь жирэмсэн эмэгтэй байна. Харин гэрийн хяналтад 615 хүн байгаа аж.
