Хяналтын давтамж, хийх шинжилгээ зэрэг нь уушгины хатгааны хүндийн зэрэг болон гарсан хүндрэлээс хамаарна.
Эмнэлгээс гарсны дараа эхний 1-2 хоногт багтан өрх, сумын эмч нар
өвчтөнтэй утсаар холбогдон биеийн байдлыг нь үнэлж, хяналтыг төлөвлөнө. Биеэр
үзэх шаардлагатай хүмүүсийг эмч, эсвэл сувилагч гэрээр нь очиж, эсвэл өвчтөнд цаг олгон амбулаториор үзэж болно.
Урт хугацааны туршид инвазив бус ба/эсвэл механик вентиляци хийгдсэн хүмүүст эмнэлгээс гарах үед бүтэц/үйл ажиллагааны нэлээд өөрчлөлт тодорхойлогдсон бол эмнэлгээс гарснаас хойш 4 долоо хоногийн дараа эрүүл мэндийн ерөнхий байдал, сэтгэл гутралыг үнэлэх, анхаарвал зохих тромбэмболи болон бусад өвчин, хам шинжийн шинж тэмдгийг тодорхойлох зорилгоор зайн зөвлөгөө өгч болно.
Эмнэлгээс гарснаас хойш 8 долоо хоногийн дараа өвчтөнд эмчид үзүүлэн заалтаар багажийн шинжилгээ хийлгэхийг зөвлөнө:
- Цээжний хөндийн эрхтний рентген зураг
- Спирографи
- Тайван байхад болон ачаалал авахад (6 минут алхах сорил хийж, сорилын
өмнө ба дараа нь SpO2 тодорхойлж болно) цусны хүчилтөрөгчийн ханамжийг
тодорхойлно (SpO2)
- Эхокардиографи (ЭхоКГ);
- Бусад аргууд (уушгины диффузийн багтаамж, артерийн цусны хийн
шинжилгээ, бусад).
Цаашдын хяналтын төлөвлөгөөг эмч үзлэг, шинжилгээний үр дүнд үндэслэн тогтооно. Зовуурь, эмгэг өөрчлөлт илрээгүй тохиолдолд хяналтаас гаргаж болно.
Цээжний КТ шинжилгээнд эмгэг өөрчлөлт илэрсэн тохиолдолд (уушгины фиброз,
уушгины завсрын эдийн өвчин, васкулитын шинж тэмдэг) уушгины эмчид үзүүлэхээр
илгээнэ. Уушгины КТ шинжилгээнд өөрчлөлт илрээгүй боловч өвчтөнд зовуурь
илэрсэн, эсвэл бусад шинжилгээнд өөрчлөлт илэрсэн тохиолдолд бусад өвчин,
эмгэгээс ялган оношлох шаардлагатай.
Гэрээр эмчлэгдсэн, ЭЭТ-т эмчлэгдэх шаардлагагүй хөнгөн, хүндэвтэр хатгаагаар өвчилсөн хүмүүст эмнэлгээс гарснаас хойш 4 долоо хоногийн дараа эрүүл мэндийн ерөнхий байдал, шинж тэмдгийг үндэслэн зайн зөвлөгөө зөвлөж байна.
Эмнэлгээс гарснаас хойш 12 долоо хоногийн дараа эмчид үзүүлэхийг өвчтөнд
зөвлөж, үзлэгт ирэхэд нь цээжний хөндийн эрхтний рентген зураг авч, цусны
хүчилтөрөгчийн ханамжийг (SpO2) тодорхойлно.
Эмнэлэгт хэвтэн эмчлэгдэж байх үед уушгины хорт хавдар байх магадлалтай гэж
үзсэн тохиолдолд эмнэлгээс гарснаас хойш 6 долоо хоногийн дараа цээжний
рентген зураг, шаардлагатай бол тодосгогчтой КТ хийж, хавдрын эмчийн
зөвлөгөө авна.
▪ Өвчтөнд эмнэлгээс гарах үед цээжний рентген зураг эсвэл КТ-д өөрчлөлт
тодорхойлогдож байсан тохиолдолд сүүлийн рентген зураг ба/эсвэл КТ
хийлгэснээс хойш 8 долоо хоногийн дараа цээжний рентген зураг ба/эсвэл КТ
давтан хийнэ. Дүрс оношилгооны шинжилгээнд өөрчлөлт илэрсэн бол:
спирографийн шинжилгээ хийж, уушгины эмчийн зөвлөгөө авна (зайн
зөвлөгөө байж болно).
▪ Тайван байхад болон ачаалал авахад (6 минут алхах сорил хийж, сорилын
өмнө ба дараа нь SpO2 тодорхойлж болно) цусны хүчилтөрөгчийн ханамжийг
тодорхойлно (SpO2)
▪ Эхокардиографи (ЭхоКГ);
▪ Уушгины артерийн эмболи сэжиглэсэн тохиолдолд ангиокомпьютерт
томографи хийхийг зөвлөнө;
▪ Уушгины фиброз, уушгины завсрын эдийн өвчин сэжиглэсэн тохиолдолд
өндөр нарийвчлалтай КТ (HRCT) хийнэ (мөн диффузийн багтаамж)
тодорхойлохыг зөвлөнө;
▪ Цээжний КТ шинжилгээнд эмгэг өөрчлөлт илэрсэн тохиолдолд (уушгины
завсрын эдийн өвчин, васкулит, уушгины гипертензийн шинж тэмдэг)
уушгины эмч, зүрхний эмчид үзүүлэхээр илгээнэ. Уушгины КТ шинжилгээнд
өөрчлөлт илрээгүй боловч өвчтөнд зовуурь илэрсэн, эсвэл бусад
шинжилгээнд өөрчлөлт илэрсэн тохиолдолд бусад өвчин, эмгэгээс ялган
оношлох шаардлагатай.
▪ Сэтгэл түгшил, сэтгэл гутралын шинж тэмдэг илэрвэл сэтгэцийн эмчийн
зөвлөгөө авч, нийгмийн ажилтантай хамтран ажиллана.
▪ Төлөвлөсөн үзлэг, шинжилгээний өдрөөс өмнө амьсгалын шинж тэмдэг
муудах, эсвэл шинээр илрэх тохиолдолд эрүүл мэндийн тусламж авахаар
эмнэлэгт хандахыг өвчтөнд зөвлөнө.
Сувилагч Ж.Энхжаргал
Сэтгэгдэл бичих