Аж ахуйн нэгжүүд дархлаа дэмжих нэмэлт тунд идэвхтэй хамрагдаж байна


11-р сарын 24
12 цаг 02 минут
B10696B1-6D63-4A46-83BC-AF115DA0F9EF.jpeg

Улс орон даяар дархлаа дэмжих нэмэлт тунд аж ахуйн нэгжүүд идэвхтэй хамрагдаж эхэллээ. Бизнесийн үйл ажиллагаагаа хэвийн явуулах, харилцагчдаа хамгаалах, эрсдэлээс урьдчилан сэргийлэх үүднээс өөрсдийн санаачилга, сайн дурын үндсэн дээр ийнхүү дархлаажуулалтын аянд нэгджээ. Тухайлбал, МҮХАҮТ, “Наран фүүдс”, “Алтай ложистик” зэрэг компанийн хамт олон III тундаа хамрагдсан байна. Аж ахуйн нэгжүүдийн хувьд цар тахлын нөлөөг хамгийн их мэдэрсэн хэсэг. Сүүлийн хоёр жилийн хугацаанд ихээхэн хэмжээний алдагдал хүлээсэн. Аялал жуулчлалын салбар гэхэд мөнгөн дүнгээр гурван их наяд төгрөгийн алдагдалд орж, үйл ажиллагаа нь доголдсон билээ. Дэлхий нийтээр аялал жуулчлалын салбар сэргэх, үйлчилгээний салбар хэвийн байдалд шилжих эсэхийг нэмэлт тунгийн үр дүн шийдэхээр байна.

Бизнесийн тогтвортой үйл ажиллагааг ханган ажиллах нөхцөл, боломжийг бүрдүүлэхийн тулд худалдаа, үйлчилгээ, хүнс, тээвэр тэргүүтэй салбарын ажилтан, албан хаагчид нэмэлт тундаа түлхүү хамрагдаж буй. “Алтай ложистик”компанийн Тээврийн баазад Дархлаажуулалтын явуулын баг ажиллаж, 40 орчим ажилтныг дархлаажуулжээ. Ингэснээр тус компанийн нийт ажилчид III тундаа бүрэн хамрагдаж, хэвийн горимд шилжсэн байна. Ложистикийн бүх төрлийн үйлчилгээ үзүүлж ирсэн “Алтай ложистик” эдийн засгаа эрчимжүүлэх уриалгад нэгдэж байгаагаа нийгмийн хариуцлага хэмээн онцолсон юм.

Цар тахал намжихаар хуучин нөхцөл байдал эргээд сэргэнэ гэж бодож байгаа бизнес эрхлэгчид, компанийн захирлууд байгаа бол энэхүү ташаа ойлголтоо маш хурдан таягдан хаях хэрэгтэй. Үүнийг хэсэгхэн хугацааны асуудал гэж бизнесээ төлөвлөж хэрхэвч болохгүй нь. Яагаад гэвэл эдийн засгийн хямрал үргэлжилж, шинэ коронавирусийн өөр төрлүүд дэлхийн улс орнуудад бүртгэгдэж байгаа тул эрсдэл холдсон гэж үзэх боломжгүй юм.

Дэлхийн эдийн засгийн форумын эрсдэлийн шинжээчдийн үзэж байгаагаар цар тахлаас улбаатай энэ удаагийн эдийн засгийн хямрал нь Дэлхийн хоёрдугаар дайнаас хойшхи хамгийн хохирол ихтэйд тооцогдож байна. Энэхүү гэнэтийн нөхцөл байдал нь дэлхий дахины эдийн засаг, санхүүгийн зах зээл, бизнесийн орчинд асар хүчтэй нөлөөлж, хүмүүс ажлын байраа алдах эрсдэлийг авчирсан юм. Жижиг дунд үйлдвэр, үйлчилгээний салбар хэвийн горимдоо шилжих, жигдрэх, зах зээлд итгэх итгэл сэргэх, эрэлт нэмэгдэх, эдийн засаг уналт удаашрах, өсөлтийн хөрс суурь бүрдэхэд дархлаажуулалтын нэмэлт тун онцгой үүрэг гүйцэтгээд байна.

Цар тахлын нөлөөгөөр үүссэн тодорхойгүй байдал өнөө түгшүүр зарласан хэвээр. Үүнийг зөөллөх, эдийн засгийг эрчимжүүлэхэд III тунгийн ач холбогдол оршиж байгаа юм. Өөрөөр хэлбэл, цар тахлын үеийн урт хугацааны хямрал, хүндрэлээс гарах, эдийн засгаа сэргээх, эрүүл мэндээ хамгаалахад нэмэлт тун чухал билээ. Герман улсад намжаад байсан цар тахан дахин тархаж, өдөрт 50 гаруй мянган хүн шинээр өвдөж байна. Үүнийг бууруулах, цар тахлын хүрээг цаашид хумихын тулд нэмэлт тунг холбогдох эрүүл мэндийн салбарынхан иргэддээ санал болгож байна. Үүний нэгэн адил манай улсын Эрүүл мэндийн яам, Улсын онцгой комисс, Нийслэлийн онцгой комисс нэмэлт гуравдугаар тунд идэвхтэй хамрагдахыг олон нийтэд уриалж байгаа юм.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Зүрх шилжүүлэн суулгах үндэсний баг байгуулагдлаа5 минут 37 секундын өмнө"Эх, хүүхдийн эрүүл мэндэд үзүүлэх агаарын бохирдлын нөлөөллийг бууруулах нь" төслийн зөвлөх хорооны зургаа дахь удаагийн хуралдаан боллоо6 минут 56 секундын өмнө"Омикрон"-ы тархалт өндөр дараах 11 улсаас иргэн иргэдийг тусгаарлана16 минут 55 секундын өмнө“Дөрөлж” нууранд живсэн шатахуун ачсан автомашиныг татан гаргалаа25 минут 42 секундын өмнө"Найрамдал" медаль гардуулав28 минут 16 секундын өмнөАюулгүй байдал, хамгааллын үйлчилгээ авагсдын 74.3 хувь нь хүүхэд30 минут 15 секундын өмнөГазрын цахим дуудлага худалдаагаар 12 байршилд ялагч тодорлоо31 минут 45 секундын өмнөДэлхийн хотуудын олон улсын VI олимпиадад Улаанбаатар хотын баг оролцож байна33 минут 20 секундын өмнөДэлхийн хотуудын олон улсын VI олимпиадад Улаанбаатар хотын баг оролцож байна33 минут 21 секундын өмнө“Шилжилт хөдөлгөөн ба хөдөлмөр эрхлэлт” судалгааг танилцуулж, хэлэлцүүлэв34 минут 40 секундын өмнөА.Бөртэ-Үжин “Авъяас” шалгаруулалтад шилдэг 27 миссийн нэгээр тодорчээ12 сар 7. 13:48"Эрдүү хийл /Альто/ симфони найрал хөгжимд зориулсан политоналын 4-р концерт" зохиолын тухай шүүмж12 сар 7. 13:43
© 2021 он. Зохиогчийн эрх хуулиар хамгаалагдсан.