Эмч нар цар тахлын эмчилгээний арга зүй, туршлагаа хуваалцлаа


10-р сарын 20
8 цаг 23 минут

Нийслэлийн Эрүүл мэндийн газар /НЭМГ/-аас “Цар тахлыг хохирол багатай даван туулах арга зүй” сэдэвт онол, практикийн бага хурлыг анх удаа зохион байгууллаа. Тус хуралд нийслэлийн хэмжээнд коронавируст халдварын улаан бүсэд ажиллаж буй эмч, эмнэлгийн мэргэжилтэн, удирдах ажилтнууд оролцож “Эмчилгээний чанар нь эмчийн эмнэл зүйн ур чадвараас, эмнэл зүйн ур чадвар нь судлаач эмчээс” гэсэн уриан дор өөрсдийн судалгаа, илтгэлийг танилцуулсан юм.

Цар тахалтай тэмцэж буй өнөө үед эмчилгээний шинэлэг арга зүй, тэргүүн туршлагаа хуваалцах, түгээн дэлгэрүүлэх, хөгжүүлэхэд энэхүү хурал чиглэсэн. Иймээс ч НЭМГ-ын харьяа 29 эрүүл мэндийн байгууллага, Эх, хүүхдийн эрүүл мэндийн үндэсний төв, Улсын клиникийн нэгдүгээр төв эмнэлэг, Улсын клиникийн хоёрдугаар төв эмнэлэг, Монгол-Япон сургалтын эмнэлэг, АШУҮИС, Сэтгэцийн эрүүл мэндийн үндэсний төв, Эм, эмнэлгийн хэрэгслийн хяналт зохицуулалтын газар, “Эм холбоо” ТББ оролцлоо.

Анхдугаар бага хурлаар дамжуулан “Ковид-19” халдварт өвчний эмчилгээний арга зүйг боловсронгуй болгон хөгжүүлэх, түгээн дэлгэрүүлэх, улаан бүсэд ажиллаж буй эмч нар харилцан туршлага солилцох нөхцөлийг бүрдүүлэх нь ажлын байрандаа хөгжих нэг арга болж байгаа төдийгүй тулгамдаж байгаа асуудлаа хэлэлцэж, дархлаажуулалт болон өвөрмөц эмчилгээний чанарыг сайжруулахад хувь нэмрээ оруулах юм гэдэгтэй оролцогчид санал нэгдэв.

Мөн эмнэл зүйд суурилсан судалгаа, лабораторийн судалгаа, дархлаажуулалтын судалгаа, эмийн ханган нийлүүлэлт, эрэлт судалгаа зэрэг нийт 31 илтгэл тавьсан юм. Тухайлбал, “Ковид-19” халдварын үеийн амбулаторийн тусламж үйлчилгээ, хүнд болон нэн хүнд өвчтөнд үзүүлж буй эмнэл зүйн тусламж, халдварын дараах хүндрэл, гэрийн эмчилгээний хяналтын үр дүн, халдвар илрүүлэх шинжилгээнд ашиглаж буй оношлуур, түргэвчилсэн тестийн үр дүнгийн харьцуулалт, эмч, эмнэлгийн ажилтнуудын өвчлөл, дархлаажуулалтын үр дүнгийн талаарх судалгаа, шинжилгээгээ танилцуулсан. Түүнчлэн халдварын үеийн хүн амын сэтгэцийн тулгамдсан асуудал, иргэдийн хандлага, өвчний урьдчилан сэргийлэлт, хэвтэн эмчлүүлэгчдийн тархвар зүйн байдал, сэргээн засах эмчилгээ, жирэмсэн эмэгтэйчүүдийн эмчилгээ, оношилгоонд түлхүү анхаарч, бодит нөхцөл байдалд тулгуурласан судалгаа, шинжилгээг танилцуулж, харилцан туршлага солилцсон чухал арга хэмжээ боллоо.

НИЙСЛЭЛИЙН ЭРҮҮЛ МЭНДИЙН ГАЗАР

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

"Сүрьеэгүй Ази тивийг бий болгох арга замыг эрэлхийлэх нь" сэдэвт олон улсын эрдэм шинжилгээний IV хурал болж байна3 минут 45 секундын өмнөЗүрх шилжүүлэн суулгах үндэсний баг байгуулагдлаа11 минут 23 секундын өмнө"Эх, хүүхдийн эрүүл мэндэд үзүүлэх агаарын бохирдлын нөлөөллийг бууруулах нь" төслийн зөвлөх хорооны зургаа дахь удаагийн хуралдаан боллоо12 минут 42 секундын өмнө"Омикрон"-ы тархалт өндөр дараах 11 улсаас иргэн иргэдийг тусгаарлана22 минут 41 секундын өмнө“Дөрөлж” нууранд живсэн шатахуун ачсан автомашиныг татан гаргалаа31 минут 28 секундын өмнө"Найрамдал" медаль гардуулав34 минут 2 секундын өмнөАюулгүй байдал, хамгааллын үйлчилгээ авагсдын 74.3 хувь нь хүүхэд36 минут 1 секундын өмнөГазрын цахим дуудлага худалдаагаар 12 байршилд ялагч тодорлоо37 минут 31 секундын өмнөДэлхийн хотуудын олон улсын VI олимпиадад Улаанбаатар хотын баг оролцож байна39 минут 6 секундын өмнөДэлхийн хотуудын олон улсын VI олимпиадад Улаанбаатар хотын баг оролцож байна39 минут 7 секундын өмнө“Шилжилт хөдөлгөөн ба хөдөлмөр эрхлэлт” судалгааг танилцуулж, хэлэлцүүлэв40 минут 26 секундын өмнөА.Бөртэ-Үжин “Авъяас” шалгаруулалтад шилдэг 27 миссийн нэгээр тодорчээ12 сар 7. 13:48
© 2021 он. Зохиогчийн эрх хуулиар хамгаалагдсан.