Ерөнхий сайд Л.Оюун-Эрдэнэ “Токио-2020” зуны олимп, паралимпын наадамд амжилттай оролцож, медаль хүртсэн тамирчдыг өнөөдөр хүлээн авч уулзаж байна.
Японы нийслэл Токио хотноо өнгөрөгч долдугаар сарын 23-наас наймдугаар сарын 8-ны хооронд зохион байгуулагдсан “Токио-2020” зуны олимпын наадамд Монгол Улсаас спортын 10 төрөлд 43 тамирчин өрсөлдсөн билээ.
Манай улсын шигшээ баг Токиогийн олимпын наадмаас нэг мөнгө, гурван хүрэл медаль хүртсэн. Тодруулбал,
- Жүдо бөхийн эрэгтэйчүүдийн 81 кг-ын жинд барилдсан Саид Моллай мөнгөн медаль
- Жүдо бөхийн эрэгтэйчүүдийн 73 кг-д Ц.Цогтбаатар
- Жүдо бөхийн эмэгтэйчүүдийн 48 кг-д жинд М.Уранцэцэг
- Чөлөөт бөхийн эмэгтэйчүүдийн 53 кг-д Б.Болортуяа нар хүрэл медаль
- Мөн паралимпын powerlifting-ийн хэвтээ шахалтын -107 кг жинд Э.Содномпилжээ алтан медаль тус тус хүртсэн.
Засгийн газраас тамирчин дасгалжуулагчдад мөнгөн шагнал олгох тухай тогтоолын дагуу
- Паралимпоос алтан медаль хүртсэн Э.Содномпилжээд 120 сая төгрөг болон гурван өрөө байрны батламж,
- Жүдо бөхийн төрөлд мөнгөн медаль хүртсэн тамирчин Саид Моллайд 60 сая төгрөг болон хоёр өрөө байрны батламж,
- Жүдо бөхийн төрөлд хүрэл медаль хүртсэн М.Уранцэцэгт 30 сая төгрөг болон хоёр өрөө байрны батламж,
- Жүдо бөхийн төрөлд хүрэл медаль хүртсэн Ц.Цогтбаатар 30 сая төгрөг болон хоёр өрөө байрны батламж тус тус гардууллаа.
Түүнчлэн,
- Үндэсний шигшээ багийн дасгалжуулагч Х.Болдбаатарыг 45 сая төгрөгөөр
- Үндэсний шигшээ багийн дасгалжуулагч М.Бундмааг 15 сая төгрөгөөр
- Үндэсний шигшээ багийн дасгалжуулагч Б.Баттулагыг 60 сая төгрөгөөр тус тус шагналаа.
Сэтгэгдэл бичих