Монголын үлэг гүрвэлүүд

Заврорнитоид нь Монголоос олдсон үлэг гүрвэлүүдийн нэг бөгөөд түүний урт, хурц савартай гар нь өдөөр бүрхэгдсэн байдаг. Хурц хөрөө шиг шүдтэй ба хавирган хутга шиг хэлбэртэй том хуруутай савартай. Маш хурдан, шаламгай энэ амьтан жижигхэн амьтнаар идэш хийдэг байжээ.

Юрийн Галавын Цэцэрлэг кинонд тоглосон энэхүү хурц-хумст махчин амьтныг анх Монголын говь дахь Баянзаг (Дүрэлзэх хадад) хэмээх газраас нээн илрүүлжээ. Эрдэмтэд энэ амьтныг өдтэй байсан гэдгийг одоо мэддэг болсон ба энэ амьтан хүмүүсийг биш Протоцератопсыг агнадаг байсан гэдэгт итгэдэг. Толгойноосоо сүүл хүртлээ 2 метр энэ амьтан зогсож байхдаа ойролцоогоор насанд хүрсэн хүний өвдөг орчим хүрдэг.

2 тонн жинтэй, өргөсөн хуягаар хучигдсан Пинакозавр нь айдас төрүүлэм өвсөн тэжээлтэн байжээ. Орчин үеийн шинжлэх ухаанд хамгийн анх мэдэгдсэн үе нь 1923 онд Монголын Баянзагаас олдсон олдвор юм. Энэ динозавр нь муна бүхий ясан сүүлээ махчин араатнуудаас хамгаалах зэвсэг болгож ашигладаг байсан байж магадгүй.

Түүний нэр “өндөг хулгайлагч” гэсэн утгатай бөгөөд учир нь хамгийн анхны удаа олдсон уг олдвор нь өндөгтэй үүрний цуг Баянзаг (Дүрэлзэх хадад )-т чулуужиж үлдсэн байв. Өдгөө бид тэдгээр өндөг нь үнэндээ уг амьтны өөрийнх нь өндөг байсан гэдгийг мэдсэн ба сайн эцэг эх байжээ. Овирапторууд Баянзагт ирж үүрээ засаж, нялх үр зулзагаа бойжуулдаг байжээ.

Протоцератопс бол 1922 онд Монголын Баянзаг (Дүрэлзэх хадад гэж дэлхийд алдаршсан) газраас барууны эрдэмтдийн хамгийн анх олсон динозавр юм. Яг л шувууных шиг хошуутай боловч их бие нь дөрвөн хөлтэй энэ амьтныг эртний аялагчид олсон байж магадгүй бөгөөд домогт Гриффин хэмээн тайлбарлагдаж байжээ. Хэдийгээр түүний хошуу бараг л бүргэдийнх мэт хурц харагдавч ургамлаар хооллодог уг амьтны биеийн хэмжээ арслангаас илүү хоньтой ойролцоо байсан байна.

Тус динозавр нь маш жижигхэн бөгөөд бараг л шувуу шиг харагддаг байсан байна. Энэ амьтан нь Азарган тахиатай төстэй хэмжээтэй байжээ. Мөн урд мөч тус бүрдээ ганцхан хумстай байжээ.

Эх сурвалж: Монголын үлэг гүрвэлийн хүрээлэн