Хараа хяналтгүй тоглож байсан 29 хүүхдийн аюулгүй байдлыг хангалаа


6-р сарын 7
11 цаг 43 минут
92-70a8uw3n5fbqwe468seypecpxugtsc8w10tjtiro20w.jpg

Нийслэлийн хэмжээнд голын усны ослоос урьдчилан сэргийлэх арга хэмжээг эрчимжүүллээ. Тодруулвал Нийслэлийн Онцгой байдлын газрын даргын баталсан хуваарийн дагуу Ангиллын сургалт, сурталчилгаа, урьдчилан сэргийлэх асуудал хариуцсан мэргэжилтнүүд, Гамшгаас хамгаалах сургалт арга зүйн төвийн сургагч багш нар, дүүргүүдийн Онцгой байдлын хэлтсийн Гал түймэр унтраах, аврах 14, 28, 30, 35, 64 дүгээр ангиудын бэлтгэл ээлжийн алба хаагчид Туул, Тэрэлж, Хэрлэн голд хөдөлгөөнт эргүүлийн үүрэг гүйцэтгэн, иргэдэд сэрэмжлүүлэг зөвлөмжийг хүргэж эхэллээ.

Өнөөдөр хөдөлгөөнт эргүүлээр ажилласан алба хаагчид голын эрэгт хараа хяналтгүй тоглож байсан 29 хүүхдийг эцэг эх, асран хамгаалагчдад нь хүлээлгэн өгч, 162 хүүхдийг голын эргээс холдуулж, 149 тээврийн хэрэгслийг голын эргээс 50-100 метрийн зайд байрлуулан,  усанд осолдохоос урьдчилан сэргийлэх гарын авлага 384 ширхэгийг тарааж, зөвлөмж яриаг 736 иргэнд хийж, сэрэмжлүүлэг, анхааруулгыг тусгай зориулалтын автомашины чанга яригчаар 36 удаа нэвтрүүлж ажиллалаа.

Мөн намгархаг газар суусан 5 автомашиныг аюулгүй газарт гаргаж, согтууруулах ундаа хэтрүүлэн хэрэглэсэн 1 автомашинтай 5 иргэнийг Баянзүрх дүүргийн Цагдаагийн газарт, 2 иргэнийг ар гэрийнхэнд нь тус тус хүлээлгэн өгсөн байна.

Аялал зугаалгын улиралд голын эрэг, ногоон бүсэд зорчих иргэдийн хөдөлгөөн эрс нэмэгдэж, голын усны осол, ой хээрийн түймрийн эрсдэл нэмэгдэж байгаа тул иргэдийг болзошгүй голын усны осол, гал түймрийн аюулаас сэргийлж, бага насны хүүхдийн аюулгүй байдлыг хангахыг нийслэлийн Онцгой байдлын газраас сэрэмжлүүлж байна.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Монголын Залуучуудын Холбооноос “Амь нэг” үндэсний хөдөлгөөнийг эхлүүллээ7 сар 27. 14:45ГССҮТ-ийн эмч нар улаан бүсэд орж, халдвартай өвчтөнд тархины мэс засал хийжээ7 сар 27. 11:41Эвлэрүүлэн зуучлагчид өргөдөл гаргасан иргэдийн 70.6 хувь нь эвлэрчээ7 сар 27. 11:39Газар хөдлөлтийн идэвхжлийг хянах, бүртгэх таван станцыг нэмж байгуулна7 сар 27. 11:37Нутгийн зарим газраар дуу цахилгаантай аадар бороо орно7 сар 27. 11:34Газар хөдлөлтөд тэсвэргүй барилгуудыг буулгана7 сар 27. 11:33ХӨСҮТ-д вакцины агуулахын өргөтгөл барьж байна7 сар 27. 11:31Токиогийн олимпоос Ц.Цогтбаатар хүрэл медаль хүртлээ7 сар 27. 11:29Дэлхийн уул уурхайн ТОП-50 компанийн үнэлгээ өсч түүхэнд дээд үзүүлэлтийг шинэчлэв7 сар 27. 11:20Гамшгийн эрсдэлийг бууруулах үндэсний зөвлөлийн хурал боллоо7 сар 27. 11:18Ерөнхий сайд Л.Оюун-Эрдэнийн Япон улсад хийсэн айлчлал өндөрлөв7 сар 27. 11:17Гол, усны ослоос урьдчилан сэргийлэхийг онцгойлон анхааруулж байна7 сар 26. 13:28
© 2021 он. Зохиогчийн эрх хуулиар хамгаалагдсан.