МОНГОЛ, ХЯТАДЫН ХИЛИЙН ДАГУУХ АЙМГИЙН ТАТВАРЫН ХЭЛТСҮҮД ШУУД ХАРИЛЦАХ БОЛОМЖ БҮРДЭНЭ


8-р сарын 31
13 цаг 19 минут

Татварын ерөнхий газрын дарга Б.Заяабал  БНХАУ-аас Монгол Улсад суугаа элчин сайд Цай Вэньруйг хүлээн авч уулзан хоёр орны татварын байгууллагын харилцааны талаар мэдээлэл солилцлоо.  

Уулзалтын эхэнд БНХАУ-ын Элчин сайд Цай Вэньруй Монголын Улсын Татварын ерөнхий газрыг  улс орныхоо нийгэм эдийн засгийн хөгжилд томоохон байр суурь эзэлж,  улсын эдийн засгийг хөгжүүлэхэд зөв зохицуулалт хийж, төсвийг бүрдүүлж, эдийн засгийн үйл ажиллагаанд хяналт тавих чиглэлээр олон жилийн турш амжилттай ажиллаж ирсэнд баяр хүргэж, ТЕГ-ын дарга Б.Заяабалд талархал илэрхийллээ.  

ТЕГ-ын дарга Б.Заяабал БНХАУ-ын Элчин сайд Цай Вэньруйд элчин сайдаар томилогдож ирсэнд баяр хүргэж, хоёр орны татварын байгууллагын өнөөгийн харилцааны талаар товч мэдээлэл өгөв. Тэрбээр  “Хоёр улсын татварын алба олон жил найрсаг харилцаатай явж ирсэн. Хамгийн сүүлд БНХАУ-ын “Нэг бүс, нэг зам” бодлогын хүрээнд нэг замын дагуух улсуудын татварын байгууллагуудыг нэгтгэсэн олон улсын байгууллагад Монголын татварын алба “Монгол Улсын иж бүрэн түншлэлийн стратеги”-ийн хүрээнд нэгдэн орсон. Ингэснээр бүс нутаг, хоёр улсын хооронд татвар төлөгчийн мэдээлэл солилцох боломж бүрдсэн. Хоёр улсын татварын байгууллага хооронд байгуулсан гэрээ 2015 онд шинэчлэгдсэн бөгөөд одоог хүртэл мөрдөж байна. Цаашдаа бид хамтын ажиллагаагаа улам сайжруулах, бүс нутгийн хүрээнд татварын албадын хоорондын харилцааг сайжруулах тал дээр ноён элчин сайдыг анхаарч ажиллахыг хүсч байна”гэв. 

Тэрбээр үргэлжлүүлэн Хятадын хөрөнгө оруулалттай компаниудын татварын өр багагүй байгаа талаар БНХАУ-ын татварын байгууллагад хүсэлт гаргасан байгаагаа элчин сайдад дуулгаж энэ тал дээр хамтран ажиллахыг хүслээ.   

Монгол Улсад үйл ажиллагаа явуулдаг хятадын хөрөнгө оруулалтай 5800  аж ахуйн нэгж байдгаас 1690 нь үйл ажиллагаагаа тогтвортой үйл ажиллагаа явуулж, татварын албатай байнга харилцаж байна. Харин үлдсэн аж ахуйн нэгжүүд нь татварын байгууллагатай харилцаа холбоогүй байгаа тухай хэллээ.  

БНХАУ-ын Элчин сайд Цай Вэньруй хариуд нь  “Хоёр орны татварын байгууллагуудын гэрээнд сэтгэл хангалуун байгаагаа илэрхийлээд гэрээнүүдийг улам сайжруулах чиглэлээр илүү анхаарч ажиллана” гэв. Мөн хоёр орны татварын байгууллагын хамтын ажиллагааны гэрээний хүрээнд боловсон хүчин бэлтгэх, олон улсын  татварын харилцааг сайжруулах, өргөжүүлэхэд элчин сайдын яам дэмжин ажиллах болно. Монгол Улсад үйл ажиллагаа явуулж байгаа БНХАУ-ын хөрөнгө оруулалттай компаниудыг Монгол Улсын хууль  тогтоомжийг нарийн чанд мөрдүүлэхэд зохих хяналт тавьж ажиллах болно. Цаашид БНХАУ-ын компаниудтай холбоотой асуудалд цаг тухайд нь мэдээлэл солилцож хамтран ажиллах болно” гэлээ. 

Тэрбээр үгийнхээ төгсгөлд, хоёр орны хилийн дагуух бүс нутгуудын татварын байгууллагын хамтын ажиллагааг дэмжин ажиллаж, хилийн дагуух аймгуудын татварын байгууллагууддаа уриалан ажиллахаа мэдэгдлээ.  

Уулзалтад Татварын ерөнхий газрын ХХХГ-ын дарга Л. Мөнхтамир ТХУАЗГ-ын дарга Р.Мягмаржав ХНХ-ийн дарга С.Орхон, ОУТХ-ийн дарга Л.Мөнхтуул, ХХХГ-ын хуулийн мэргэжилтэн, ТУБ Б.Баттогтох БНХАУ-аас Монгол Улсад суугаа Элчин сайдын яамны Гуравдугаар нарийн бичгийн дарга Ч.Нуунзаяа нар оролцлоо.  

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

БШУЯ-ны Төрийн нарийн бичгийн дарга Л.Цэдэвсүрэн Өвөрхангай аймагт ажиллалаа5 сар 27. 12:27“Ногоон барилгын хүрээлэн” /Green building council ngo/ ТББ-ыг шинэчлэн байгууллаа5 сар 27. 12:24Сүхбаатарын талбайд шөнийн парад боллоо5 сар 27. 12:21Улс орны төлөөлөгчийн тэргүүн сайд нартай санал солилцов5 сар 27. 12:16Эмэгтэй энхийг сахиулагчдын чуулга уулзалт эхэллээ5 сар 27. 12:14Шивээхүрэн боомтод ачаа тээврийн терминал энэ оны есдүгээр сард ашиглалтад орно5 сар 27. 12:09Сүхбаатарын талбайд “Европын өдөрлөг” болно5 сар 27. 12:05“Ид шидийн орон”-ы хүүхдүүд хотоор аяллаа5 сар 27. 11:56А.Намуун: Марафоны бүртгэл тавдугаар сарын 27-ны өдрийг дуустал үргэлжилнэ5 сар 26. 10:35Чех улстай хамтран оюутан солилцоог 20 сарын хугацаатайгаар хэрэгжүүлнэ5 сар 25. 18:24“Төрийн албаны үнэт зүйл ба багшийн ёс зүй” хэлэлцүүлэг боллоо5 сар 25. 18:17Монгол-Хятадын агаарын тээврийг ирэх зургадугаар сараас үе шаттай сэргээнэ5 сар 25. 18:05
© 2022 он. Зохиогчийн эрх хуулиар хамгаалагдсан.