Парисын олимпийн 3х3 сагсан бөмбөгийн эрх олгох хоёр дахь тэмцээн гурав хоногийн өмнө /2024.05.03/ Японы Үцүномияа хотод эхэлсэн. Тус тэмцээнд түрүүлсэн баг нь олимпын эрх авах байв. Эрэгтэйчүүдийн ангилалд Нидерландын шигшээ баг шигшээд Литвагийн шигшээг 19:15-аар буулган авчээ. Тэмцээний турш 42 оноо авсан Ворти Де Ёнг үнэн цэнтэй тоглогчоор тодорсон байна.
Ийнхүү "Парис 2024" олимпын эрхийг одоогоор Нидерланд, АНУ, Серб, БНХАУ, Латви улс аваад байна.
Харин эмэгтэйчүүдийн ангилалд австрали хүүхнүүд Канадын шигшээг 19:16-гаар буулган авлаа. Ингэснээр ногоон тивийнхэн Франц, АНУ, БНХАУ болон Азербайжаны шигшээгийн хамт олимпод оролцох болзлоо хангажээ.
Монголын эрэгтэй шигшээ багийн хувьд энэ удаагийн тэмцээнд дөрөвдүгээр байрт орлоо.
Үцүномияагаас эрхээ авч чадаагүй багууд тавдугаар сарын 16-нд Унгарт сүүлийн тэмцээн болно. Тухайн тэмцээнээс гурван баг олимпийн эрхээ авна. Гэхдээ өрсөлдөөн харьцангуй чанга, олон баг оролцоно. Тэгэхээр энэ удаагийн тэмцээн л монголчуудын хамгийн боломжит хувилбар байсан юм.
Сэтгэгдэл бичих