Өнөө жилийн үндэсний их баяр наадам, Ардын хувьсгалын 94 жилийн ойн бөхийн барилдаанд Хэнтий аймгийн Өмнөдэлгэр сумын харьяат бөх Э.Оюунболд ес даван түрүүлж, улсын арслан цолны болзол хангасан. Шинэхэн арсланд зориулсан “Хүндэтгэлийн наадам” энэ сарын 12, 13-нд Чингис хотноо болж байна. Уг арга хэмжээг Хэнтий аймгийн ЗДТГ зохион байгуулж байна.
“Хүндэтгэлийн наадам”-ын үеэр их нас, хязаалан, соёолонгийн уралдаан, халх сурын харваа, шагайн харваа, хүчит бөхийн барилдаан болно.
Хэнтий нутгаас 16 жилийн дараа наадмын түрүү бөхөөр тодорсон Э.Оюунболд нь өдгөө 22 настай. Түүнээс өмнө 1963 онд алдарт дархан аварга Ж.Мөнхбат 22 насандаа анх улсын наадамд түрүүлж, арслан цолны болзол хангаж байсан түүхтэй.
Сэтгэгдэл бичих