Монгол Улс 2026 оны эхний 10 сард 1.7 сая тонн дизель түлш импортолсон нь өмнөх оны мөн үеэс 14.2 хувиар өссөн үзүүлэлт болжээ. Харин автобензиний импорт 756.4 мянган тонн болж, 11.5 хувиар нэмэгдсэн байна.
Гаалийн байгууллагын мэдээллээр энэ оны эхний 10 сард суудлын автомашины импорт 74,069 ширхэг болж, өмнөх оны мөн үеэс 10.3 хувиар буурчээ. Ачааны автомашины импорт мөн 17,543 ширхэг болж, 4.9 хувиар багассан байна.
ИМПОРТЫН БҮТЦЭД НЕФТИЙН БҮТЭЭГДЭХҮҮН ТЭРГҮҮЛЖЭЭ
Монгол Улс 2026 оны эхний 10 сард нийт 10.97 тэрбум ам.долларын бараа импортолсон байна. Үүний 24.1 хувь буюу 2.65 тэрбум ам.долларыг нефтийн бүтээгдэхүүний импорт эзэлжээ.
Импортын бүтцэд дараах бараанууд өндөр дүнтэй байна.
- Нефтийн бүтээгдэхүүн – 2.65 тэрбум ам.доллар буюу 24.1 хувь
- Суудлын автомашин – 877.4 сая ам.доллар буюу 8 хувь
- Ачааны автомашин – 400.6 сая ам.доллар буюу 3.7 хувь
- Бульдозер, авто хусуур, тэгшлэгч зэрэг машин механизм – 282.1 сая ам.доллар буюу 2.6 хувь
- Гар утас, холбооны аппарат – 218.8 сая ам.доллар буюу 2 хувь
- Хар төмөр бүтээц, барилгын эдлэл – 205.6 сая ам.доллар буюу 1.9 хувь
- Цахилгаан эрчим хүч – 203.9 сая ам.доллар буюу 1.9 хувь
Өмнөх хоёр жилийн импортын хэмжээтэй харьцуулбал
2026 оны эхний 10 сарын дизель түлшний импорт 2025 оны мөн үеэс 14.2 хувиар, 2024 оны мөн үеэс 25.4 хувиар өсжээ.
Автобензиний импорт өмнөх оны мөн үеэс 11.5 хувиар, 2024 оны мөн үеэс 6.6 хувиар нэмэгдсэн байна.
Харин суудлын автомашины импорт 2025 оны мөн үеэс 10.3 хувиар, 2024 оны мөн үеэс 28.4 хувиар буурчээ. Ачааны автомашины импорт ч 2025 оны мөн үеэс 4.9 хувиар, 2024 оны мөн үеэс 28.4 хувиар багассан байна.
Эх сурвалж: Монголын гааль
Сэтгэгдэл бичих