Авлигатай тэмцэх газрын дэргэдэх Олон нийтийн зөвлөл энэ сарын 12-нд Гаалийн ерөнхий газарт ажиллаж, авлига, ашиг сонирхлын зөрчлөөс урьдчилан сэргийлэх чиглэлээр хэрэгжүүлж буй үйл ажиллагаатай танилцжээ.
Уулзалтаар гаалийн байгууллагын удирдлагууд үйл ажиллагааны цахимжилт, эрсдэлд суурилсан гаалийн хяналт, дотоод хяналт болон авлигаас урьдчилан сэргийлэх ажлын үр дүнг танилцуулж, тулгамдаж буй асуудлаа хэлэлцсэн байна.
Энэ үеэр Олон нийтийн зөвлөлийн гишүүд гаалийн байгууллагын цахимжилт эрчимжиж, эрсдэлд суурилсан хяналтын арга барил нэвтэрч, хяналт, хариуцлагын чиглэлээр ахиц гарч байгааг онцолжээ.
Цаашид гаалийн байгууллагын хэрэгжүүлж буй арга хэмжээ, үр дүнг бодитой үнэлэх, тулгамдаж буй асуудлыг тодорхойлох, авлигаас урьдчилан сэргийлэх чиглэлээр хамтран ажиллахаар санал нэгдсэн байна.
Гаалийн ерөнхий газар уулзалтаас гарсан санал, зөвлөмжийг цаашдын үйл ажиллагаандаа тусган хэрэгжүүлэхэд бэлэн байгаагаа илэрхийлжээ.
Эх сурвалж: Монголын гааль
Сэтгэгдэл бичих