УИХ-ын чуулганы нэгдсэн хуралдаанаар Улсын нөөцийн тухай хуульд нэмэлт, өөрчлөлт оруулах тухай хуулийн төслийг хэлэлцэх эсэх асуудлыг хэлэлцэж байна.
Хуулийн төслийг Засгийн газар санаачилж, Шадар сайд Н.Номтойбаяр 2026 оны аравдугаар сарын 23-нд УИХ-д өргөн мэдүүлжээ. Улсын нөөцийн тухай хууль нь 2007 оноос хойш хэрэгжиж байгаа. Нийт зохицуулалтын 40 орчим хувь буюу 42 зүйл, заалтыг шинэчлэхээр тусгасан байна.
Хуулийн төсөлд улсын болон орон нутгийн нөөцийг бүрдүүлэх, хадгалах, сэлгэх, зарцуулах үйл ажиллагааг боловсронгуй болгож, нэгдсэн цахим бүртгэл, хяналтын тогтолцоо нэвтрүүлэхээр тусгажээ. Ингэснээр гамшиг, халдварт өвчин, хүнс болон шатахууны хангамжийн эрсдэл үүссэн үед шаардлагатай нөөцийг шуурхай ашиглах, төр, хувийн хэвшлийн хамтын ажиллагааг нэмэгдүүлэх ач холбогдолтой юм.
Сэтгэгдэл бичих