БОУАӨЯ-наас элсний нүүлт, хөдөлгөөнийг сааруулах, доройтсон газрыг нөхөн сэргээхээр Булган аймгийн Рашаант сумын Элсэн тасархай орчмын 50 га талбайг хамгаалж нөхөн сэргээлээ.
Төслийн хүрээнд тус талбайг хашаалж, 30 га-д элсний нүүлт, хөдөлгөөнийг сааруулж хамгаалсан бол 20 га-д нь мод, сөөг тарьж биологийн нөхөн сэргээлт хийжээ. Ингэхдээ бургас, хайлаас, монос, хус, харгана, улиас, агч, гүйлс зэрэг 12 зүйлийн 5235 ширхэг мод, сөөг суулгав. Нөхөн сэргээлтийн талбайн усан хангамжийг шийдэхээр 33 метр гүн худаг гаргасан байна.
БОУАӨЯ-ны ажлын хэсэг, Хөгнө Тарнын БЦГ-ын хамгаалалтын захиргааны албан хаагч, Рашаант сумын удирдлагууд, төсөл хариуцагч нар төслийн явц, үр дүнтэй танилцан, ажлыг нь хүлээн авчээ. Мөн тарьсан мод, сөөгийг ургуулах, нөхөн сэргээлтийн үр дүнтэй болгохын тулд тогтмол усалж арчлахад хяналт тавих шаардлагатайг холбогдох байгууллагуудад анхааруулжээ.
Сэтгэгдэл бичих