Өнгөрсөн хавраас хойш өргөн хэрэглээний бараа бүтээгдэхүүний нэмэгдсээр, инфляцын түвшин цар тахлын үеийн хэмжээнд буюу хоёр оронтой тоонд хүрсэн. Ялангуяа, махны үнэ нийслэлийн иргэдэд багагүй дарамт болж буй. Тэгвэл арваннэгдүгээр сарын 2-ны байдлаар Улаанбаатар хотод гол нэрийн зарим барааны үнэ өмнөх долоо хоногоос 0.3 хувиар буурсан тухай Үндэсний статитикийн хорооноос мэдээлэв. Үүнд хонины ястай мах, луувангийн ханш буурсан нь голлон нөлөөлжээ.
Тодруулбал, хонины ястай мах килограмм тутам нь 24,368 төгрөг болж өмнөх долоо хоногоос буурсан бол 1.7 хувиар буурсан бол, лууван 3,429 төгрөг болон хямдарчээ. Статистик мэдээллээс харвал хонины ястай махны үнэ сүүлийн дөрвөн долоо хоног дараалан буурчээ. Тодруулбал,
- Аравдугаар сарын 12-нд 25,923
- Аравдугаар сарын 19-нд 25,480
- Аравдугаар сарын 26-нд 25,434
- Арван нэгдүгээр сарын 2-нд 24,368 төгрөгийн ханштай байв.
Гэсэн хэдий ч дийлэнх бараа бүтээгдэхүүний үнэ буураагүй буюу гол нэрийн бараа бүтээгдэхүүний үнэ өмнөх сараас 1.6 хувиар өссөн аж. Ялангуяа, иргэд өвлийн идшээ базаадаг энэ үед үхрийн махны үнэ өссөн хэвээр байна. Одоогийн байдлаар үхрийн цул махны үнэ килограмм тутам нь 33,568 төгрөг байгаа нь өмнө долоо хоногоос 0.7 хувиар өссөн үзүүлэлт юм.
Сэтгэгдэл бичих