Өнгөрсөн сарын 29-ны өдөр чулуулгийн хагарлын бүсийн дагуу газар хөдлөлтийн шинжтэй үзэгдэл болж, үүний улмаас гүний уурхайд чичирхийлэл бүртгэгдсэн талаар "Оюу толгой" компаниас мэдээлсэн.
Чулуулгийн нуралтад 15 ажилтан өртөж, бэртэл авсан байна. Өнөөдөр "Оюу толгой" компанийн хэвлэлийн албанаас мэдээлэл өглөө.
Уг мэдээлэлд "Уурхайчдадаа санаа тавьж, дэмжлэг үзүүлсэн нийт хамт олон, тэдний маань ар гэр, түнш байгууллагууд, олон нийт та бүхэнд баярлалаа. Мэргэжлийн зөвлөгөө чиглэлээр ханган ажиллаж буй холбогдох байгууллагуудад гүн талархал илэрхийлье.
Эмнэлгийн тусламж үйлчилгээ авч буй хоёр ажилтны маань биеийн байдал тогтвортой байгаа бөгөөд эмчилгээ үргэлжилж байна.
Нөхцөл байдлын хяналт, үнэлгээг гүйцэтгэн, аюулгүй байдлыг бүрэн хангасны үндсэн дээр гүний уурхайн үйл ажиллагааг хэвийн горимд шилжүүлээд байна. Хамт олны маань эрүүл мэнд, аюулгүй ажиллагаа ямагт нэн тэргүүнд тавигдана" гэлээ.
Сэтгэгдэл бичих