Боловсролын салбарын 55,100 ажилтны цалинг 2026 оны нэгдүгээр сарын 1-нээс 50 хувиар нэмэгдүүлжээ. Ингэснээр ажилтнуудын албан тушаал, ажилласан жил, ажиллаж буй байршлаас хамааран авах цалингийн хэмжээ харилцан адилгүй болсон байна.
Тухайлбал, ерөнхий боловсролын сургуулийн багшийн үндсэн цалин 2,226,000 төгрөг, сургуулийн өмнөх боловсролын багшийн үндсэн цалин 2,339,000 төгрөг болжээ.
Боловсролын салбарын ажилтнуудын цалинг 50 хувиар нэмэгдүүлсэн хэмжээг бүрэн олгоход шаардлагатай 674.5 тэрбум төгрөгийн санхүүжилтийг 2026 оны төсвийн тодотголоор бүрэн шийдвэрлэсэн байна.
Боловсролын салбарын ажилтнуудын цалингийн нэмэгдлээс гадна өнөөдрөөс төрийн үйлчилгээний бусад салбарын 52 мянга орчим албан хаагчийн үндсэн цалин мөн нэмэгдлээ. Үүнд зориулж 170 тэрбум төгрөг төсөвлөсөн байна.
Сэтгэгдэл бичих