Увс аймагт сураггүй болсон 26 настай эмэгтэйг эрэн хайх ажиллагааг ар гэрийнхнийх нь хүсэлтээр зогсоожээ. Тодруулбал, тус аймгийн Онцгой байдлын газар, Цагдаагийн байгууллага, сумын Мэргэжлийн анги, орон нутгийн иргэд болон ар гэрийнхэн хамтран иргэн А-г эрэн хайх ажиллагааг 16 хоногийн турш зохион байгуулсан байна.
Тэрбээр аравдугаар сарын 15-ны өдрийн 07:00 цагийн орчимд малаа хайхаар гэрээсээ гарсан бөгөөд тухайн өдрийн 16:50 цагт сураггүй болсон тухай дуудлага холбогдох байгууллагуудад ирсэн байдаг.
Эрэн хайх ажиллагааны явцад тухайн бүс нутагт цасан бүрхүүл ихтэй байгаагаас ажиллахад хүндрэлтэй нөхцөл үүссэн талаар ОБЕГ-аас мэдээлж байв. Улмаар ар гэрийнхний хүсэлтээр эрэн хайх ажиллагааг зогсоосон байна.
Сэтгэгдэл бичих