Улсын нэгдүгээр төв эмнэлгийн Элэг шилжүүлэн суулгах багийн эмч, мэргэжилтнүүдийн мэргэжлийн ур чадвар, эрдэм шинжилгээний бүтээл, эмчилгээний үр дүн олон улсын түвшинд үнэллээ.
Австралийн Сидней хотноо зохион байгуулсан TTS 2026 олон улсын конгресст багийн эмч, мэргэжилтнүүд дөрөв аман, гурван постер илтгэл хэлэлцүүлж, Монгол Улсад элэг шилжүүлэн суулгах эмчилгээний хөтөлбөрийг амжилттай хэрэгжүүлэн хөгжүүлж буй туршлага, үр дүнгээ олон улсын мэргэжлийн хүрээнд танилцуулав.
Энэ үеэр УНТЭ-ийн Элэг шилжүүлэн суулгах баг Монгол Улсад элэг шилжүүлэн суулгах хагалгааг амжилттай нэвтрүүлж, эмчилгээний үр дүнг олон улсын түвшинд хүргэсэн хувь нэмрийг нь үнэлсэн хүндэт өргөмжлөлийг авсан байна.
Мөн БНСУ-ын Сөүл хотноо зохион байгуулсан LT Updates 2026 олон улсын хурлын үеэр УНТЭ-ийн Эрхтэн шилжүүлэн суулгах төвийн дарга Б.Батсайхан “Heroes of Liver Transplantation” хүндэтгэлийг хүртэж, Монголын элэг шилжүүлэн суулгах салбарын хөгжилд оруулж буй хувь нэмрээ олон улсын түвшинд үнэлүүлсэнг УНТЭ мэдээлэв.
Сэтгэгдэл бичих