Францын Ерөнхийлөгч Эммануэл Макрон Нью-Йорк хотноо АНУ-ын Ерөнхийлөгч Дональд Трамптай уулзах үеэрээ Украинд амдан сөнөөгч пуужин нийлүүлэх ажлыг хурдасгах боломжийг хэлэлцжээ.
“Бид Украин, ОХУ-ын асуудлыг нэлээд удаан хэлэлцсэн. Батлан хамгаалах талаас нь авч үзвэл энэ нь нэн чухал асуудал учраас Украинд амдан сөнөөгч пуужинг илүү хурдан, илүү их тусламж үзүүлэх шаардлагатай байгааг ярилцсан” гэж Францын төрийн тэргүүн АНУ-ын Ерөнхийлөгчтэй уулзсаныхаа дараа сэтгүүлчидтэй уулзах үеэрээ хэлснийг "Reuters" агентлаг уламжилсан байна.
Э.Макроны хэлснээр, уулзалт “маш сайн”, “маш үр дүнтэй” болжээ.
Ираны эсрэг явуулсан байлдааны ажиллагааны үеэр АНУ зэвсгийн нөөцөө шавхсантай холбоотойгоор тус улсын холбоотнууд пуужин болон агаарын довтолгооноос хамгаалах хэрэгслийн нийлүүлэлт саатах вий гэж болгоомжилж байгаа бөгөөд улмаар нийлүүлэлт саатах хугацаа тав хүртэл жил үргэлжилж, Европын хэд хэдэн улсад нөлөөлж болзошгүй" гэж “Bloomberg” агентлаг өнгөрсөн долоо хоногт мэдээлжээ. Мөн Пентагон зэвсгийн нөөцөө тэргүүн ээлжид нөхөн бүрдүүлэх шийдвэр гаргасан нь АНУ-аас “Patriot” системийн амдан сөнөөгч пуужин авах гэсэн Украины талын оролдлогод хүндрэл учруулж байна гэж тус агентлаг онцолсон байна.
Сэтгэгдэл бичих