Сүхбаатар аймгийн Мөнххаан сумын Баянтэрэм буюу нэгдүгээр багийн Наран саран гэдэг газарт гарсан хээрийн түймрийг 10 гаруй цаг ажиллан бүрэн унтраажээ.
Түймэрт урьдчилсан байдлаар 8400 га талбай өртсөн бөгөөд айлын гэр, хүн, мал түймэрт өртөөгүй байна.
Түймэр гарсан газар нь аймгийн төвөөс 90 км, Мөнххаан сумын төвөөс зүүн хойд зүгт 60 км-ийн зайд байна. Түймрийн дуудлага есдүгээр сарын 17-ны 16:00 цагт ирсэн бөгөөд гал түймрийг есдүгээр сарын 18-ны 01:59 цагт цурамд оруулж, 08:43 цагт бүрэн унтраасан байна.
Тодруулбал, дээрх газар нь аймгийн төвөөс 90 км-т, сумын төвөөс зүүн хойш 60 км-ийн зайтай. Хээрийн түймэр гарсан дуудлага өчигдөр 9 дүгээр сарын 17-ны 16:00 цагт ирсэн бөгөөд 9 дүгээр сарын 18-ны 01:59 цагт цурамд оруулж, 08:43 цагт бүрэн унтраасан байна.
Түймрийг унтраахад аймгийн Онцгой байдлын газрын алба хаагчид, Мөнххаан, Баруун-Урт сумын мэргэжлийн ангийнхан, нутгийн малчид, тариаланчид оролцжээ.
Одоогоор түймрийн шалтгаан, нөхцөлийг тогтоохоор ажиллаж байна. Намрын хуурайшилтын улирал эхэлж байгаатай холбоотойгоор иргэдийг сонор сэрэмжтэй байж, хээрийн түймрээс урьдчилан сэргийлэхийг анхаарууллаа.
Сэтгэгдэл бичих