Зээлийн батлан даалтын сан нь олон улсын батлан даалтын байгууллагуудтай хамтын ажиллагаагаа өргөжүүлэх, олон улсын сайн туршлагаас суралцах, туршлага мэдээлэл солилцох зорилгын хүрээнд Дэлхийн батлан даалтын байгууллагуудын холбоо (GNGI)-ны гишүүнээр амжилттай элсэв.2026 оны 9 дүгээр сарын 16-ны өдөр Бүгд Найрамдах Перу Улсын Арекипа хотноо зохион байгуулагдсан GNGI-ны 2026 оны Дээд хэмжээний уулзалтад оролцож, Зээлийн батлан даалтын сангийн үйл ажиллагааг олон улсын батлан даалтын байгууллагуудын төлөөлөлд танилцуулсан бөгөөд тус сүлжээний гишүүн байгууллагуудын дэмжлэгээр GNGI-ны албан ёсны гишүүн байгууллага боллоо.
GNGI (Global Network of Guarantee Institutions) нь дэлхийн 90 гаруй батлан даалтын байгууллагууд болон олон улсын байгууллагуудыг эгнээндээ нэгтгэсэн, мэдээлэл, туршлага, сайн туршлага солилцох зорилго бүхий олон улсын холбоо юм.
Зээлийн батлан даалтын сан нь 2015 онд Азийн батлан даалтыг дэмжигч байгууллагуудын холбоо (ACSIC)-ны гишүүнээр элссэн бөгөөд, Азийн бүс нутгийн батлан даалтын байгууллагуудтай нягт хамтын ажиллагааг хөгжүүлж ирсэн.
GNGI-ийн гишүүн болсноор хамтын ажиллагааны цар хүрээг өргөжүүлж, Европ, Америк, Африк болон Азийн бусад батлан даалтын байгууллагуудтай мэдээлэл, туршлага солилцох, олон улсын сайн туршлагыг судлан нэвтрүүлэх шинэ боломж бүрдэж байна.
Сэтгэгдэл бичих