Хөвсгөл аймгийн Засаг дарга Л.Төмөрбаатар БНСУ-ын Дэгү Хани Их сургуулийн Ерөнхийлөгч Бён Чанг Хүн тэргүүтэй удирдлагуудтай уулзаж, боловсрол, эрүүл мэнд, гоо сайхан, үйлдвэрлэл болон орон нутгийн хөгжлийн чиглэлээр хамтын ажиллагааг өргөжүүлэх боломжийн талаар санал солилцлоо.
Уулзалтын үеэр “K-MEDI Silk Road” төслийн хүрээнд хамтын ажиллагааг өргөжүүлэх, Монгол, БНСУ-ын гоо сайхны салбарын түншлэлийг хөгжүүлэх, боловсрол, үйлдвэрлэлийн уялдааг бэхжүүлэх чиглэлээр хамтран ажиллахаар талууд санал нэгдэв.
Дэгү Хани Их Сургууль нь 60 гаруй жилийн түүхтэй бөгөөд уламжлалт анагаах ухаан, эрүүл мэндийн чиглэлээр сургалт, судалгаа явуулдаг.
Түүнчлэн “HAANY” гоо сайхны бүтээгдэхүүн үйлдвэрлэж, гадаад оюутны тэтгэлэг болон оюутан солилцооны хөтөлбөр хэрэгжүүлдэг байна.
Талууд цаашид хамтын ажиллагааг өрнүүлж, санамж бичиг байгуулж, харилцан туршлага солилцох, төсөл хөтөлбөр хэрэгжүүлэх замаар боловсрол, эрүүл мэнд, үйлдвэрлэл болон орон нутгийн эдийн засгийн хөгжлийг дэмжихээр ярилцлаа.
Сэтгэгдэл бичих