Тээврийн цагдаагийн албанаас нийслэлийн хэмжээнд шатахуун түгээх станцуудын /ШТС/ үүссэн дараалал мэдэгдэхүйц багассан талаар онцоллоо.
Өнгөрсөн 24 цагийн байдлаар:
- 10-20 машин дараалалтай 1 ШТС
- 20-30 машин дараалалтай 16 ШТС
- 30-40 машин дараалалтай 17 ШТС
- 40-50 машин дараалалтай 20 ШТС
- 50-100 машин дараалалтай 10 ШТС тус тус байна.
Харин аймгийн төвүүдийн ШТС-д үүссэн дараалал дунджаар 62 машинд хүрчээ.
Ялангуяа Дундговь, Өвөрхангай, Өмнөговь, Хэнтий, Орхон аймагт шатахууны хангамж муу байгаагаас дараалал нэмэгдсэн байна. Дундговь аймагт ШТС-д хүлээгдэж буй автомашины тоо 400-450-д хүрчээ.
Иймд Шуурхай штабаас орон нутаг дахь шатахууны хангамжийг нэмэгдүүлэхэд онцгой анхаарч ажиллахыг аж ахуйн нэгжүүдэд үүрэг болгожээ. Түүнчлэн дараалал ихээр үүсэж буй Дундговь, Өвөрхангай, Өмнөговь, Хэнтий, Орхон, Дархан-Уул аймагт нэн тэргүүнд анхаарахыг сануулсан байна.
Мөн намрын ургац хураалт эхлэх гэж байгаатай холбогдуулан газар тариалангийн бүс нутаг, аж ахуйн нэгжүүд болон ХХААХҮЯ, Онцгой байдлын байгууллагууд дизель түлшний хангамж хэвийн байгаа энэ үед аюулгүйн нөөцөө бүрдүүлэх шаардлагатайг Шуурхай штабаас мэдээллээ.
Эх сурвалж: Аж үйлдвэр, эрдэс баялгийн яам
Сэтгэгдэл бичих