Цаг уур, орчны шинжилгээний газраас наймдугаар сарын 22-26-ныг хүртэлх цаг агаарын урьдчилсан мэдээг гаргалаа.
- Наймдугаар сарын 22-нд баруун аймгуудын нутгийн хойд хэсэг, төвийн аймгуудын нутгийн зарим газар, зүүн аймгуудын нутгийн зүүн өмнөд хэсгээр бороо, дуу цахилгаантай аадар бороо орно.
- Наймдугаар сарын 23-нд төвийн аймгуудын нутгийн хойд хэсэг, говийн аймгуудын нутгийн зүүн хэсэг болон зүүн аймгуудын нутгийн баруун хэсгээр бороо, дуу цахилгаантай аадар бороо орно.
- Наймдугаар сарын 24-нд нутгийн зүүн хойд хэсгээр, 25-нд баруун аймгуудын нутгийн баруун хэсгээр бороо, дуу цахилгаантай аадар бороо орно.
- Наймдугаар сарын 25-нд ихэнх нутгаар дулаарна.
Салхи ихэнх хугацаанд секундэд 4-9 метр байх боловч бороо орохын өмнө зарим газраар түр зуур ширүүснэ.
Энэ хугацаанд нутгийн хойд хэсгээр бага зэрэг сэрүүснэ. Алтай, Хангай, Хөвсгөл, Хэнтийн уулархаг нутаг, Завхан, Заг, Байдраг голын эх, Хүрэнбэлчир орчим, Идэр, Тэс, Туул, Тэрэлж голын хөндийгөөр шөнөдөө +1...+6, өдөртөө +14...+19 градус дулаан байна.
Их нууруудын хотгор болон говийн бүс нутгийн өмнөд хэсгээр шөнөдөө +16...+21, өдөртөө +28...+33 градус, бусад нутгаар шөнөдөө +8...+13, өдөртөө +20...+25 градус дулаан байна гэв.
Эх сурвалж: ЦУОШГ
Сэтгэгдэл бичих