“Moderna”, “Merck” компаниудын хувь хүний биеийн байдалд тохируулан гаргаж авсан mRNA хавдрын вакцин нь сүүлийн шатны туршилтын явцад меланома буюу арьсны хорт хавдрын тархалтын эрсдэлийг бууруулсан нь хавдрын эмчилгээний шинэ талбарт томоохон амжилт дагуулснаар “Moderna”-ийн хувьцааны ханш 160 хувиар өссөн байна.
Эдгээр компани уг вакциныг меланомын эмчилгээнд өргөн хэрэглэдэг дархлааг дэмжигч “Merck”-ийн “Keytruda” эмийн хамт туршжээ. Хэрвээ зохицуулагч байгууллагаас вакциныг хэрэглэхийг зөвшөөрвөл мянга мянган өвчтөнүүд ирэх жилээс эхлэн вакцины үр дүнг үзэх боломжтой гэж “Moderna”-гийн ерөнхийлөгч Стивен Хоге ярьж байна.
Энэ нь хавдрын эсүүдийн тодорхой мутацид чиглэн дархлааны системийг сургадаг мэс заслын дараах mRNA хавдрын вакцины хувьд сүүлчийн шатны туршилтын анхны эерэг үр дүн бөгөөд “Keytruda” эмийн эмчилгээг нэмснээр дан эмчилгээнээс илүү үр дүнтэй болохыг харууллаа. “Merck”, “Moderna” ба бусад компани уушги, хөхний болон нойр булчирхайн хавдрыг эмчлэх ижил төстэй аргуудыг туршиж байна.
Хатуу биет хорт хавдрын эсрэг эмчилгээнд шинэ эрин эхлэх дохиог “Moderna”-гийн вакцин өгч магадгүй гэж Хорт хавдрын дархлалын эмчилгээний Паркер хүрээлэнгийн гүйцэтгэх захирал Карен Кнудсен хэлэв.
"Энэхүү эерэг үр дүн нь биднийг дархлааны эмчилгээний дараагийн шат руу хөтөлж байна. Энэ бол амжилттай эхлэл" хэмээн тэрбээр онцоллоо.
Сэтгэгдэл бичих