Өмнөд Солонгосын "Samsung Electronics" компани хиймэл оюунтай (AI) холбоотой хагас дамжуулагчийн эрэлт их байгаа нь орлогыг нь өсгөсөн тул хоёрдугаар улирлын үйл ажиллагааны ашиг нь бараг 90 их наяд вонд (58.8 тэрбум ам.доллар) буюу дахин дээд үзүүлэлтэд хүрнэ гэж мягмар гарагт таамаглалаа.
Өмнөд Солонгосын технологийн хамгийн том тус компанийн урьдчилсан тайланд дурдсанаар, 4-6 дугаар сарын үйл ажиллагааны ашиг нь 89.4 их наяд вонд хүрэх төлөвтэй байгаа нь өнгөрсөн оны мөн үеийнхээс 1181 хувиар өссөн үзүүлэлт ажээ.
"Yonhap" агентлагийн санхүүгийн мэдээллийн редакцын мэдээлснээр, уг урьдчилсан тооцоолол нь зах зээлийн дундаж таамаглалаас 6.2 хувиар давжээ.
“Samsung Electronics” компани 2025 онд 43.6 их наяд воны үйл ажиллагааны ашигтай ажилласан бол энэ оны хувьд зөвхөн хоёрдугаар улирлын ашиг нь компанийн өнгөрсөн бүтэн жилийн үйл ажиллагааны ашгаас хоёр дахин их байна.
Хэрэв энэ дүн баталгаажвал тус компанийн улирлын борлуулалтын орлого болон үйл ажиллагааны ашгийн дээд үзүүлэлт өнгөрсөн оны дөрөвдүгээр улирлаас хойш дараалан гурав дахь улиралдаа шинэчлэгдэнэ.
Сэтгэгдэл бичих