Увс нуур-Улаангом чиглэлийн 26.39 км хатуу хучилттай авто замыг ашиглалтад орууллаа.
Уг авто зам ашиглалтад орсноор иргэдийн аюулгүй, тав тухтай зорчих нөхцөл сайжирч, Увс нуур чиглэлийн аялал жуулчлалыг хөгжүүлэх, орон нутгийн эдийн засгийн идэвхийг нэмэгдүүлэх, тээвэр, логистикийн хүртээмжийг сайжруулах зэрэг ач холбогдолтой юм.
Улсын төсвийн 46.6 тэрбум төгрөгийн санхүүжилтээр тавьсан уг авто замын гүйцэтгэгчээр “Эйч кэй би интернэшнл холдинг” ХХК ажиллажээ.
Увс нуур-Улаангом чиглэлийн авто зам нь Монгол Улсын хамгийн урт дугуйн замтайгаараа онцлог болж байна.
Увс аймагт одоогоор Улаангом сумаас Тэс, Малчин, Хяргас, Зүүнговь, Цагаанхайрхан, Баруунтуруун сумыг холбох 165.5 км хатуу хучилттай авто зам, мөн Улаангомоос Ховд аймаг чиглэлийн 163.3 км хатуу хучилттай авто замын ажлууд ид үргэлжилж байна.
Сэтгэгдэл бичих