Дэлхийн газрын тосны үнэ зургадугаар сарын 24-ний өдрийн байдлаар Ираны дайнаас хойших түүхэн доод хэмжээндээ хүрээд байна. Тодруулбал, брент маркийн түүхий нефтийн фьючерс үнэ баррель нь 73.50 ам.доллар хүрч буурчээ. Энэ нь нэг өдрийн дотор таван хувиар буурсан үзүүлэлт байв.
Харин хувьцааны ханш зургадугаар сарын 23-нд бага зэрэг унасан байсан ч маргааш нь эргэн өсчээ. Тухайлбал, "Dow Jones Industrial Average" индекс 105 пунктээр буюу 0.2 хувиар, "S&P 500″ индекс 0.2 хувиар тус тус өссөн байна. Технологийн компаниудын хувьцаа давамгайлсан байдаг "Nasdaq Composite" индекс ч мөн 0.2 хувиар өсжээ.
АНУ, Ираны хэлэлцээ эхэлснээс хойш газрын тосны үнэ буурах чиглэлдээ орж, үүнийг дагаад шатахуун ч хямдарсан. Өнгөрсөн долоо хоногийн байдлаар шатахууны үнэ галлон нь дөрвөн ам.доллараас доош буужээ. Өөрөөр хэлбэл, нэг литр шатахууны үнэ нэг ам.доллар орчим болсон гэсэн үг.
АНУ-ын хэмжээнд шатахууны дундаж үнэ галлон тутамд 3.92 ам.доллар байгаа нь сүүлийн нэг сарын хугацаанд 13 хувиар буурсан үзүүлэлт юм. Гэхдээ энэ үнэ дайны өмнөх түвшинд хараахан хүрэхгүй. Одоогийн үнэ нь дайн эхлэхийн өмнөх үеэс 94 центээр илүү байгаа юм.
"Trade Economics" цахим хуудсанд өнөөдрийн байдлаарх газрын тос, байгалийн хий, шатахуун, нүүрс, этанол, уралын газрын тосны үнийг /ам.доллараар/ мэдээлснийг доорх хүснэгтээр харуулав.
Сэтгэгдэл бичих