Үндэсний их баяр наадмын нээлтийн үйл ажиллагааг үзэж сонирхох гадаадын жуулчдад зориулсан тасалбарын захиалгыг авч эхэлжээ. Нийслэлийн Аялал жуулчлалын газрын мэдээлснээр, жуулчдыг Монгол Улсад хүлээн авч үйлчилдэг тур оператор компаниуд 2026 оны зургадугаар сарын 16-25-ны өдрийн хооронд албан хүсэлтээ Аялал жуулчлалын мэргэжлийн холбоо эсвэл Монголын Аялал жуулчлалын холбоонд хүргүүлэх шаардлагатай аж.
Хүсэлтэд наадмын нээлтийн үйл ажиллагааг үзэх жуулчдын овог, нэр, паспортын дугаар, Монгол Улсад ирэх болон буцах нислэгийн мэдээлэл, байрлах зочид буудал болон байрлах газрын нэр зэрэг шаардлагатай мэдээллийг хавсаргах юм.
Дэлгэрэнгүй мэдээллийг Аялал жуулчлалын мэргэжлийн холбооны 69999598, 69999296, мөн Монголын Аялал жуулчлалын холбооны 88460044, 86850404 дугаарын утсаар лавлах боломжтой гэж Нийслэлийн Аялал жуулчлалын газраас мэдээллээ.
Сэтгэгдэл бичих