Санхүүгийн зохицуулах хорооноос иргэдийн санхүүгийн боловсролыг дээшлүүлэх, санхүүгийн салбарын бүтээгдэхүүн, үйлчилгээг олон нийтэд таниулах зорилгоор “Мэдлэгээ дээшлүүлье, Санхүүгээ удирдъя” санхүүгийн салбарын өдөрлөгийг өнөөдөр Д.Сүхбаатарын талбайд зохион байгуулж байна.
Өдөрлөгийн хүрээнд Санхүүгийн зохицуулах хорооны зохицуулалттай салбаруудын үйл ажиллагаа, чиг үүрэг, бүтээгдэхүүн, үйлчилгээг иргэдэд танилцуулж, хөрөнгө оруулагчид, хэрэглэгчид, үйлчлүүлэгчдийн санал хүсэлтийг сонсон, зөвлөгөө мэдээлэл өгч байна. Мөн салбарын мэргэжлийн холбоод болон дэд бүтцийн байгууллагуудын төлөөлөл оролцож, иргэдэд шаардлагатай мэдээлэл хүргэн ажиллаж байгаа юм.
Энэхүү өдөрлөгт Зээлийн батлан даалтын сангийн хамт олон оролцож, 10 дугаар асарт байрлан иргэд болон аж ахуйн нэгжүүдэд батлан даалтын үйлчилгээ, үйл ажиллагааныхаа талаар мэдээлэл өгч байна. Түүнчлэн тус сангийн батлан даалттай харилцагч болох “Хужирт Цагаан” ХХК, “Шим Эрдэнэ” ХХК, “Gelato” ХХК, “Сэргэлэнт Шарга” ХХК-ууд өөрсдийн бүтээгдэхүүн, үйлчилгээг танилцуулан оролцож байна.
Сэтгэгдэл бичих