Монгол Улсад орчин цагийн банк, санхүүгийн тогтолцоо үүсэж хөгжсөний 102 жилийн ой, хоёр шатлалт банкны тогтолцоо үүсэж хөгжсөний 35 жилийн ойн баярын мэндийг банк, санхүүгийн салбарын хамт олон, банкируудад өргөн дэвшүүлье.
Зээлийн батлан даалтын сан нь өнөөдрийн байдлаар 10 арилжааны банктай хамтран ажиллаж, барьцаа хөрөнгийн хүрэлцээгүй иргэн, аж ахуйн нэгжүүдийн санхүүжилт авах боломжийг нэмэгдүүлэн, бизнесийн өсөлт хөгжилд дэмжлэг үзүүлсээр байна. Энэхүү үйл ажиллагааг тогтвортой, үр өгөөжтэй хэрэгжүүлэхэд харилцагч банкуудын идэвхтэй оролцоо, хамтын ажиллагаа чухал үүрэг гүйцэтгэж ирсэн билээ.
Улаанбаатар хот болон 21 аймагт үйл ажиллагаа явуулж буй нийт банкны салбарын хамт олон, үе үеийн банкирууд та бүхэндээ баярын мэнд хүргэж, санхүүгийн салбарын хөгжил дэвшилд оруулах хувь нэмэр тань улам бүр өргөжин тэлэхийг хүсэн ерөөе.
Сэтгэгдэл бичих