Доройтсон ойг нөхөн сэргээж, шилмүүст модны бортоготой тарьцаар ойжуулах ажлыг гүйцэтгэж байна.
“Тэрбум мод” үндэсний хөдөлгөөний хүрээнд улсын төсвийн хөрөнгө оруулалтаар Архангай аймгийн Цэцэрлэг суманд доройтсон ойн экосистемийг сэргээх зорилгоор 90 га талбайд шилмүүст модны бортоготой тарьцаар ойжуулах ажлыг хэрэгжүүлж байна. Тус ажлыг орон нутгийн байгаль орчны мэргэжилтнүүд, байгаль хамгаалагчдын хяналт дор “Хавчгийн ногоон мод” ХХК гүйцэтгэж байна.
Энэхүү ажил нь доройтсон ойг нөхөн сэргээх, ойн нөөцийг нэмэгдүүлэх, байгаль орчны тэнцвэрт байдлыг хадгалах, уур амьсгалын өөрчлөлтийн сөрөг нөлөөг бууруулахад чухал хувь нэмэр оруулах юм.
Доройтсон ойг нөхөн сэргээх ажлын хүрээнд 2025 онд 150 га талбайд мод тарьж, нөхөн сэргээх ажлыг аймгийн Байгаль орчны газраас зохион байгуулжээ. Мөн 130 га талбайд 2-3 настай 236.500 тарьцаар ойжуулалтын ажлыг гүйцэтгүүлсэн байна.
Сэтгэгдэл бичих