Ерөнхий сайд албан даалгавар бүхий 49 үүрэг чиглэлийг сайд нарт өгчээ


4-р сарын 8
15 цаг 50 минут

Засгийн газрын ээлжит хуралдаанаар хэлэлцэн шийдвэрлэсэн асуудлаар сайд нар мэдээлэл хийлээ.

 

Өнөөдрийн ээлжит хуралдаанаар 23 асуудлыг хэлэлцсэн ба Ерөнхий сайдын албан даалгавар бүхий 49 үүрэг чиглэлийг сайд нарт өгсөн байна. Мөн хувийн хэвшлийг саадгүй үйл ажиллагаа явуулах хүрээнд төрөөс явуулдаг 9376 хяналт, шалгалтыг зогсоохоор болсныг Шадар сайд Н.Номтойбаяр мэдээллээ.  

Тэрбээр “Засгийн газрын хуралдаанд Ерөнхий сайд найман асуудлаар үүрэг даалгавар өгсөн. Ойрх Дорнодод үүсэж байгаа асуудалтай холбоотой Монгол Улсад шууд болон шууд бусаар нөлөөлөл их байна. Ерөнхий сайд Н.Учрал аливаа асуудлыг шийдэхдээ шалтаг тоочих бус, шийдэл эрэлхийлж түргэн шуурхай ажиллах зарчим баримталж байгаа. Энэ хүрээнд нэн тэргүүнд хувийн хэвшлээ бүхий л боломжоор дэмжинэ. Төрөөс шат дараатай хийгддэг олон шалгалтыг цуцалж, хувийн хэвшлийг хэвийн үйл ажиллагаа явуулах нөхцөлөөр хангахаар боллоо. Улсын нөөцөөс гаргаж байгаа 5.3 тэрбум төгрөгийг болзошгүй хямралд бэлэн байдлыг хангах хүрээнд тоног төхөөрөмж бэлдэнэ” гэв. 

Түүнчлэн төрийн албан хаагчдыг долоо хоногийн тодорхой өдрүүдэд цахимаар ажиллуулах асуудлыг салбарын сайд нар бие даан шийдвэрлэх боломжтойг хурлын үеэр онцоллоо. 

Энэ талаар ярихдаа, “Энэ бол зардал хэмнэх, эдийн засаг болон нийгмийн ач холбогдолтой хувилбар. Салбарын сайд нар ажлын ачаалал, цаг үеийн нөхцөл байдалтайгаа уялдуулан үүнийг шийдэх эрхтэй” хэмээн тайлбарлав. 

Мөн хувийн хэвшлийн хувьд ажилтнуудаа зайнаас ажиллуулах эсэх нь тухайн байгууллагын дотоод шийдвэр бөгөөд энэ нь хууль зөрчсөн асуудал биш гэдгийг тодотгосон юм.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Дөрвөн улиралд ажиллах олон улсын зусланг төр, хувийн хэвшлийн түншлэлээр барина11 сар 12. 15:00Хоёр өдрийн дотор 17 гаалийн мэдүүлгийг зөрчилгүй мэт үйлдэж ₮19 саяын хахууль авчээ11 сар 12. 15:00Г.Занданшатар: Ш.Алтантуяагийн хэргийг шударгаар шийдвэрлэхийг Малайз Улсаас шаардаж байна11 сар 12. 14:59Улсын нөөцийг бүрдүүлэх, хадгалах, зарцуулах тогтолцоог шинэчлэх хуулийн төслийг хэлэлцэж байна11 сар 12. 14:59УИХ-ын дарга С.Бямбацогт гишүүдэд 100,000 төгрөгийн "мөнгөн дэвсгэрт" бэлэглэжээ11 сар 12. 14:58Судалгаа: Өсвөр үеийнхний дөрөвний нэг нь хөдөлгөөний дутагдалтай11 сар 12. 14:57Орос, Украины талууд олзлогдсон цэргүүдээ солилцохоор тохиролцжээ11 сар 12. 14:46Жүдо бөхийн залуучуудын ДАШТ-д Монголоос 18 тамирчин оролцоно11 сар 12. 14:46Испанид 14 жилийн дараа бүх нийтийн ажил хаялт боллоо11 сар 12. 14:45Монгол–Германы стратегийн түншлэл: Дипломат харилцаанаас бодит хамтын ажиллагаа руу11 сар 12. 14:442027 оны Ерөнхийлөгчийн сонгуулиар Үндэсний аудитын газар Сонгуулын ерөнхий хороотой хамтарна11 сар 12. 14:43“Мөнх тэнгэрийн бичиг-2026” монгол уран бичлэгийн олон улсын уралдааны шилдгүүд шалгарлаа11 сар 11. 13:47
© 2026 он. Зохиогчийн эрх хуулиар хамгаалагдсан.