Гадаадын иргэн, харьяатын газар 2026 оны нэгдүгээр улирлын байдлаар гадаадын 12298 иргэнд визийн зөвшөөрөл, 23413 иргэнд виз олгосон байна.
Мөн эрх бүхий байгууллагын зөвшөөрлийг үндэслэн гадаадын 3508 иргэнд Монгол Улсад оршин суух зөвшөөрөл шинээр олгосон бол 9945 иргэний оршин суух зөвшөөрлийн хугацааг сунгажээ. Харин 5153 иргэний оршин суух зөвшөөрлийг хасжээ. Үүнийг өнгөрсөн оны мөн үеийнхтэй харьцуулахад нийт виз олголт 47.02, оршин суух зөвшөөрлийн сунгалт 34.19, хасалт 73.85 хувиар өссөн аж. Тэгвэл шинээр оршин суух зөвшөөрөл олголт 3.33 хувиар буурсан үзүүлэлттэй байна.
2026 оны гуравдугаар сарын байдлаар Монгол Улсад албан болон хувийн хэргээр оршин суух зөвшөөрөлтэй 32983 гадаадын иргэн байна. Үүнээс хөдөлмөр эрхлэх 15337, хөрөнгө оруулах 5704, суралцах 5326, гэр бүлийн болон хувийн бусад зорилгоор 4193, цагаач 1757, шашны зорилгоор 133, албан хэргээр 533 гадаадын иргэн оршин сууж байгааг Гадаадын иргэн харьяатын газраас мэдээллээ.
Сэтгэгдэл бичих