Нийтийн тээврийн автобусны үйлчилгээний талаарх гомдлыг хэрхэн шийдвэрлэснээ НТБГ-аас танилцуулав.
Тухайлбал Баянзүрх дүүргийн иргэн автобуснууд хуваарийнхаа дагуу 8 минутын зайтай явахгүй байна гэсэн гомдолд тус газраас "Нийтийн тээврийн үйлчилгээнд явж байгаа автобуснууд замын хөдөлгөөний ачааллаас хамаарч 8 минутын зайтай явах боломжгүй" гэсэн хариуг өгчээ.
Түүнчлэн автобусны зогсоолоос сургуулийн хүүхэд авахгүй байнга хаяж явдаг, автобусны буудал дээр зогсоогүй явсан жолооч нарт торгуулийн шийтгэл ногдуулжээ.
Харин автобусны жолооч зорчигчийг хэл амаар доромжилсон гэсэн гомдол камерын бичлэгээр нотлогдоогүй бол зарим гомдлыг зорчигчийн буруу байна гэв.
Нийтийн Тээврийн Бодлогын Газрын 70044040 дугаарын утсаар болон https://ptd.ub.gov.mn/ цахим хуудсаар автобусны үйлчилгээний талаар санал, гомдол, хүсэлтийг хүлээн авч байгааг сануулав.
Сэтгэгдэл бичих