МАН-ын Удирдах зөвлөл өнөөдөр Төрийн ордонд хуралдаж, УИХ-ын даргад нэр дэвшүүлэх тухай асуудлыг авч хэлэлцлээ.
Тус хуралдаанаас УИХ-ын гишүүн С.Бямбацогтыг УИХ-ын даргад нэр дэвшүүлэхийг дэмжсэн байна. Хуралдааны явцын талаар МАН-ын Ерөнхий нарийн бичгийн Я.Содбаатар сэтгүүлчдэд мэдээлэхдээ, “УИХ-ын даргад УИХ-ын гишүүн С.Бямбацогт, УИХ-ын гишүүн С.Амарсайхан нарын хоёр нэр дэвшигч тодорсон. УИХ-ын гишүүн С.Амарсайхан Удирдах зөвлөлийн хуралдааны өмнө нэрээ татсан тул УИХ-ын гишүүн С.Бямбацогтыг УИХ-ын даргад нэр дэвшүүлэх тухай асуудлыг авч хэлэлцээд, 100 хувийн саналаар дэмжигдлээ” гэлээ.
УИХ дахь МАН-ын бүлгийн хуралдаанаар одоо тус асуудлыг хэлэлцэж байна.
Сэтгэгдэл бичих