Үндэсний Номын Сангийн Салбар номын сан дахь Онцлог хэрэгцээт иргэдийн танхим нь дөрөвдүгээр сарын 1-нээс зургаадугаар сарын 15-ныг хүртэл “Эртэч уншлага” нэртэй шинэ үйлчилгээ нэвтрүүлжээ.
Ажлын өдрүүдэд өглөөний 07:30 цагаас эхлэн уншигчдад үйлчилж, эрт цагт номын сангаар үйлчлүүлэх боломж бүрдүүлсэн байна. Тус танхим нь орчин үеийн тохижилттой, тав тухтай орчинтой. Утасгүй интернэт болон цахим орчинд ажиллах дөрвөн компьютертэй. Уншигчид хувийн компьютер, ном материалыг авч ирэн ашиглах боломжтой аж.
Мөн киндль төхөөрөмжөөр 1000 гаруй цахим ном унших, 37 сонсдог номоор суралцах, орос хэл дээрх 1000 гаруй ном бүхий таблет ашиглах боломж бүрджээ. Онцлог хэрэгцээт иргэдийн танхим ажлын өдрүүдэд 07:30–16:30 цагт ажиллаж, уншигчдад хүртээмжтэй үйлчилгээг үзүүлнэ. “Эртэч уншлага” үйлчилгээ нь уншигчдын цагийг үр бүтээлтэй ашиглахад туслах зорилготой аж.
Сэтгэгдэл бичих