Ази тивийн хамгийн том хүнс, ундааны үзэсгэлэнгийн нэг болох "FOODEX JAPAN 2026" Токио хотноо эхэллээ. Олон улсын чанартай энэхүү үзэсгэлэнд Монгол Улсаас 8 аж ахуйн нэгж үндэсний онцлог бүтээгдэхүүнүүдээ танилцуулан оролцож, дотоодын хүнсний салбарын экспортын боломжийг дэлхийн зах зээлд сурталчилж байна.
Үүнд: - “Боса Кондитер” ХХК – SHI-RA шар сүүний амттан - “Арвайн Үндэс” ХХК – Khan, Chass шар айраг, Соёлт, Sayan, Aurora Wave архи - “Булган Мах Маркет” ХХК – адууны махан бүтээгдэхүүн - “Цайдам Трейд” ХХК – Бурамхан брэндийн ингэний сүүтэй чихэр \Батлан даалттай харилцагч\ - “Төгс Уураг” ХХК – хөлдөөж хатаасан тараг - “Монос Хүнс” ХХК – чацаргана болон барагшуунтай бүтээгдэхүүн - “Есөн Од” ХХК – шоколадан бүтээгдэхүүн “Шидэт Хүнс” ХХК – баяжуулсан жигнэмэг гэсэн найман ААН оролцож байна.
Монголын үндэсний үйлдвэрлэгчид ийнхүү олон улсын хэмжээний үзэсгэлэнд оролцсоноор эх орны хүнсний салбарын чанар, өв уламжлал, онцлог бүтээгдэхүүнийг олон улсын зах зээлд таниулах, цаашдын экспортын боломжийг нэмэгдүүлэх ач холбогдолтой юм.
Сэтгэгдэл бичих