Баянзүрх дүүргийн Жижиг, дунд үйлдвэрлэлийг дэмжих төв, дүүргийн Засаг даргын Тамгын газар, Иргэдийн Төлөөлөгчдийн Хурал хамтран Олон улсын эмэгтэйчүүдийн эрхийг хамгаалах өдрийг тохиолдуулан “Бизнес эрхлэгч эмэгтэйчүүдийн эвент” арга хэмжээг 2 дахь жилдээ зохион байгууллаа.
Тус эвент нь БЗД-ийн бизнес эрхлэгч эмэгтэйчүүдийн оролцоог нэмэгдүүлэх, санхүүгийн боловсрол болон хөрөнгө оруулалтын боломжийг танилцуулах, амжилтын түүх, харилцан туршлага солилцох замаар бизнесийн хамтын ажиллагааг өргөжүүлэх, мөн төр, хувийн хэвшил, төрийн бус байгууллагуудын түншлэлийг бэхжүүлэх зорилготой юм.
Энэ жилийн эвентэд 200 орчим эмэгтэй бизнес эрхлэгч оролцож байна. Арга хэмжээний үеэр Зээлийн батлан даалтын сангийн мэргэжилтнүүд байгууллагынхаа үйл ажиллагааг танилцуулж, оролцогчдод зориулсан бүтээгдэхүүн, үйлчилгээний талаар мэдээлэл өгч, зөвлөгөө хүргэн ажиллалаа.
ЗБДС нь банк санхүүгийн байгууллагаас зээл авахыг хүссэн, барьцаа хөрөнгийн дутагдалтай ЖДҮЭ-д шаардлагатай зээлийнх нь 60 хүртэл хувьд батлан даалт гаргадаг билээ.
Сэтгэгдэл бичих