Хотын дарга Х.Нямбаатар нийслэлийн удирдлагын багт хандан ипотекийн шинэ шийдлийн талаар байр сууриа илэрхийллээ. Тэрбээр аливаа асуудалд “болохгүй” гэсэн хариулт хүлээж суух бус, боломжит хувилбар, гарцыг эрэлхийлж ажиллах ёстойг онцолсон юм.
Түүний хэлснээр, удаан хугацаанд судалж ажилласны эцэст ипотекийн зээлийн шинэ бүтээгдэхүүн гаргах боломжтой гэсэн шийдэлд хүрчээ. Энэхүү бүтээгдэхүүн нь эхний ээлжид Сэлбэ дэд төвийн төсөл дээр хэрэгжихээр төлөвлөгдсөн байна.
Шинэ нөхцөлийн дагуу эмч, багш нарт 10 хувийн урьдчилгаа төлбөртэй, бусад иргэдэд 20 хувийн урьдчилгаатайгаар 8 хувийн хүүтэй, 15 жилийн хугацаатай зээл олгохоор тусгажээ. Мөн уг ипотекийн зээлийг заавал гэр бүлийн хоёр хүнд хамтад нь олгох зохицуулалттай бөгөөд хэрэв гэр бүл салбал ипотекийн гэрээ нь түрээсийн гэрээ рүү шилжих хөшүүрэгтэй байхаар шийдвэрлэсэн байна.
Сэтгэгдэл бичих